13 ناۋرىزدا باكۋ قالاسىندا قازاقستاننىڭ ەڭبەك سىڭىرگەن قايراتكەرى, «پاراسات», ءۇشىنشى دارەجەلى «بارىس» وردەندەرىنىڭ يەگەرى, الماتى قالاسىنىڭ قۇرمەتتى ازاماتى, تالانتتى سۋرەتشى الپىسباي قازعۇلوۆقا تۇركى دۇنيەسى كوركەمسۋرەت اكادەمياسىنىڭ اتاعى بەرىلدى. بۇل – قازاق بەينەلەۋ ونەرىنىڭ حاس تالانتىنىڭ ۇزاق جىلعى ەڭبەگىنە بەرىلگەن ۇلكەن باعا, دەپ جازادى Egemen.kz.
الپىسبايدىڭ باستى ايىرماشىلىعى – كوپ ىزدەنەدى, كوپ ەڭبەكتەنەدى. ۇنەمى ءبىلىمىن جەتىلدىرىپ وتىرادى. تولدىم دەمەيدى, بولدىم دەمەيدى. الپىسبايدىڭ تاباندىلىعى مەن ەڭبەكسۇيگىشتىك قاسيەتتەرىنە ريزا بولماۋ مۇمكىن ەمەس. ونىڭ وسى قاسيەتتەرى ءوز ناتيجەسىن بەرمەي قالعان جوق. ول بەينەلەۋ ونەرىندەگى ءوز جولىن, دەربەس ءستيلىن قالىپتاستىردى. الپىسباي كارتينالارىندا ەكسپرەسسيۆتىك ءبىر كۇش بار. ەموتسيونالدىق الابوتەن ىرعاعى قالىپتاسقان شەبەردىڭ كارتينالارى كورەرمەندى تارتىپ تۇراتىن قارىم-قابىلەتى وسى كۇشىندە جاتىر.
ونىڭ كارتينالارى ەتنوگرافيالىق مازمۇن مەن ۇلتتىق داستۇرگە وتە باي. تۋىندىلارىندا ادام جانىن, ونىڭ پسيحولوگيالىق كوڭىل كۇيىن ادەمى اشا بىلەدى. سۋرەتشى ۇلتتىق ناقىشتىڭ كونتەكستىندە وزىندىك ءتۇس ەرەكشەلىكتەرىن ءتيىمدى پايدالاناتىنى دا ونىڭ شىعارماشىلىعىن جوعارى دەڭگەيگە كوتەرىپ تۇر.
الماتىدا بالدىرعان سۋرەتشىلەردىڭ كورمەسى اشىلدى
كەز كەلگەن سۋرەتشى ءۇشىن ءتۇس پەن كەڭىستىكتى سەزىنە ءبىلۋ – وتە ماڭىزدى. وسى ورايدا الپىسباي ۇلكەن بيىككە كوتەرىلە الدى. جارىقتى دا جاقسى كورە بىلەدى. تالانتتى سۋرەتشىنىڭ كارتينالارىندا سيۋجەتتىڭ شيەلەنىسۋى مەن كۋلميناتسياسى ءبىر لينيادا ۇشتاسىپ جاتاتىنى دا ونىڭ شەبەرلىگى ءوز شىڭىنا جەتكەنىن كورسەتەدى. ونىڭ كارتينالارى كورۋشىگە ەرەكشە پسيحولوگيالىق اسەر ەتەدى. تۋىندىلارى كورەرمەندى ءجيۆوپيستىڭ بارلىق پارامەترلەرى بويىنشا ىنتىقتىرىپ قوياتىنى دا سۋرەتشى شىعارماشىلىعىنىڭ تىلسىم كۇشكە تولى ەكەنىن بىلدىرسە كەرەك.
بالاڭ سۋرەتشىلەر تاۋەلسىزدىك كۇنىنە تارتۋ جاسادى