ىشكى ىستەر مينيسترلىگى 15 ناۋرىزدا وتەتىن رەفەرەندۋم قارساڭىندا ازاماتتارعا ۇندەۋ جاسادى, دەپ جازادى Egemen.kz.
ءىىم رەسمي وكىلى شىڭعىس الەكەشوۆ مۇنداي ماڭىزدى كەزەڭدە الەۋمەتتىك جەلىلەر مەن مەسسەندجەرلەردە جالعان اقپاراتتار مەن ادەيى تاراتىلاتىن ارانداتۋ حابارلامالارى ءجيى كەزدەسەتىنىن ەسكەرتتى.
«ولاردىڭ ماقساتى – قوعامدى اداستىرۋ جانە جاعدايدى تۇراقسىزداندىرۋ. بۇگىندە تسيفرلىق تەحنولوگيالار مەن جاساندى ينتەللەكتىنىڭ دامۋىنا بايلانىستى جالعان كونتەنت جاساۋ بۇرىنعىدان الدەقايدا جەڭىلدەدى. قىسقا ۋاقىتتا شىندىققا ۇقساس, بىراق ادامداردى جاڭىلىستىراتىن جالعان ماتەريالدار تارالۋى مۇمكىن. ەسكە سالامىز: كورىنەۋ جالعان اقپارات تاراتۋ – زاڭ بۇزۋشىلىق. مۇنداي ارەكەتتەر ءۇشىن اكىمشىلىك تە, قىلمىستىق تا جاۋاپكەرشىلىك قاراستىرىلعان», دەدى شىڭعىس الەكەشوۆ.
ناۋرىزناما ونكۇندىگى اياسىندا «رەفەرەندۋم – 2026» اتتى ونلاين مارافون وتەدى
ءىىم ازاماتتاردى زاڭ تالاپتارىن ساقتاۋعا جانە تەكسەرىلمەگەن اقپاراتتى تاراتپاۋعا, اقپاراتتىق مادەنيەتتى ساقتاۋعا شاقىراتىنىن مالىمدەدى.
«كۇماندى حابارلامالاردى كورسەڭىزدەر, ونى ءارى قاراي جىبەرمەڭىزدەر. جالعان اقپارات كوبىنە ءدال وسىلاي تارالادى. ىشكى ىستەر مينيسترلىگى رەفەرەندۋم كەزىندە قوعامدىق ءتارتىپ پەن قاۋىپسىزدىكتى تولىق قامتاماسىز ەتەدى. جالعان اقپارات تاراتۋ جانە ارانداتۋشىلىق ارەكەتتەر جەدەل انىقتالىپ, دەن قويىلىپ, زاڭ اياسىندا قاتاڭ قارالادى. سوندىقتان تەك رەسمي جانە سەنىمدى اقپارات كوزدەرىنە عانا سەنىڭىزدەر», دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.
قاسىم-جومارت توقاەۆ جاستاردى رەفەرەندۋمعا بەلسەنە قاتىسۋعا شاقىردى