ينۆەستيتسيا تارتۋعا قۇقىقتىق سەنىمدىلىك كەرەك

كەزدەسۋ بارىسىندا بانك باسشى­لىعى مەن قىزمەتكەرلەرى كونستي­تۋتسيالىق وزگەرىستەردىڭ ەل ەكونو­ميكاسىنىڭ تۇراق­تى­لىعىنا, دامۋ ينستيتۋتتارىنا جانە ۇزاقمەرزىمدى ينۆەس­تيتسيالىق احۋالعا ىق­پالىن تال­قىلادى.

جيىندا قدب باسقارما توراعاسى مارات ەلىباەۆ ستراتەگيالىق ينۆەستي­تسيا­لىق جوبالارمەن جۇمىس ىستەيتىن قارجى ينستيتۋتى ءۇشىن نەگىزگى زاڭدى جا­ڭارتۋ اسا ماڭىزدى كەزەڭ ەكەنىن اتاپ ءوتتى.

– «قازاقستاننىڭ دامۋ بانكى» ەكو­نوميكالىق وزگەرىس­تەر­دىڭ الدىڭعى شەبىن­دە تۇر. ينۆەستيتسيالىق تارتىم­دى­لىق­تى قالىپتاستىرۋ قۇقىقتىق سەنىمدىلىكسىز مۇمكىن ەمەس. 15–20 جىلعا ەسەپتەلگەن ءىرى جوبالار تۇراقتى ينستيتۋتتار مەن مەنشىك قۇقىعىن قورعاۋدى تالاپ ەتەدى. ال پرەزيدەنت ايتىپ وتىرعان ەكونوميكانى جاڭعىرتۋ ەڭ الدىمەن, نورماتيۆتىك-قۇقىقتىق ورتانى جاڭارتۋدان باستالادى. جاڭا كونستيتۋتسيا مەملەكەتتىك باسقارۋدىڭ جاڭارتىلعان نەگىزىن قالىپتاستىرىپ, بيلىك­تىڭ نەعۇرلىم تەڭگەرىمدى ءارى ەسەپ بەرەتىن مودەلىنە كوشۋدى بەكىتەدى. بۇل قارجى جۇيەسىنىڭ تۇراقتىلىعىنا, بانك سەك­تو­رىنىڭ ورنىقتىلىعىنا جانە حالىقارالىق سەرىكتەستەردىڭ سەنىمىن نىعايتۋعا تىكەلەي اسەر ەتەدى, – دەدى مارات ەلىباەۆ.

كەزدەسۋدە ل.ن.گۋميلەۆ اتىنداعى ەۋرازيا ۇلتتىق ۋني­ۆەر­سيتەتىنىڭ پرورەكتورى, PhD, ساياساتتانۋشى ينديرا رىستينا ەلىمىزدەگى كونستيتۋتسيالىق رەفورمانى ازىرلەۋ ۇدەرىسى مەن جاڭا كونستيتۋتسيا جوباسىنىڭ دايىندالۋى تۋرالى جان-جاقتى باياندادى, سونداي-اق ارنايى جۇمىس كوميسسياسىنىڭ قالاي قۇرىلعانىن ءتۇسىندىردى.

بۇدان كەيىن قدب قۇقىق­تىق قام­تا­ماسىز ەتۋ دەپار­تا­مەنتىنىڭ ديرەكتورى قارلىعاش احمەتجانوۆا ەلىمىزدىڭ قول­­دا­نىستاعى كونستيتۋ­تسيا­سىنا ەنگى­زىلە­تىن نەگىزگى جاڭالىق­تار­دى تانىس­تىر­دى.

جيىن قورىتىندىسىندا قاتىسۋ­شىلار جاڭا كونستي­تۋ­تسيادا اي­قىن­دالعان ادام كاپيتالىن دامىتۋ مەن تەحنو­لوگيالىق جاڭعىرۋعا باسىم­دىق بەرۋ اشىق ءارى بول­جامدى ىسكەرلىك ورتانى قالىپتاستىرۋعا مۇمكىندىك بەرەتىنىن اتاپ ءوتتى. سونداي-اق الداعى رەفە­رەندۋمدا داۋىس بەرۋدىڭ ماڭىزى,  ەل دامۋىنا ءاربىر وتانداسىمىزدىڭ ازاماتتىق ۇستانىمى ايرىقشا ءرول اتقاراتىنى ايتىلدى.