13 ناۋرىز كۇنى الماتى قالاسىنداعى قوعامدىق كوممۋنيكاتسيالار ورتالىعىنىڭ (قكو) الاڭىندا تاۋەلسىز باقىلاۋشىلاردىڭ اقپاراتتىق شتابىنىڭ ەكىنشى بريفينگى وتەدى, دەپ جازادى Egemen.kz.
ءىس-شارادا 15 ناۋرىزدا وتەتىن رەسپۋبليكالىق رەفەرەندۋم كۇنى شتابتىڭ جۇمىسىن ۇيىمداستىرۋ ماسەلەلەرى تالقىلانادى.
كەزدەسۋ بارىسىندا شتاب وكىلدەرى داۋىس بەرۋ كۇنى قوعامدى جەدەل اقپاراتتاندىرۋ جانە مونيتورينگ جۇرگىزۋ جۇيەسى قالاي ۇيىمداستىرىلاتىنىن تانىستىرادى. سونىمەن قاتار ەلىمىزدىڭ ءارتۇرلى قالالارى مەن وڭىرلەرىنەن تىكەلەي ەفيردەگى قوسىلىمدار جوسپارلانىپ وتىر. وڭىرلەردە تاۋەلسىز باقىلاۋشى قىزمەتىن اتقاراتىندار قاتارىندا زاڭگەرلەر, وقىتۋشىلار, ستۋدەنتتەر, قوعام بەلسەندىلەرى بار.
جاۋاپكەرشىلىك الاتىن كەز كەلدى: ساراپشى جاستاردى رەفەرەندۋمعا قاتىسۋعا شاقىردى
15 ناۋرىز كۇنى شتاب «داۋىس بەرۋدىڭ ارنايى كارتاسىن» ۇسىنۋدى جوسپارلاپ وتىر. ياعني, ەلدىڭ ءارتۇرلى ايماقتارىنداعى سايلاۋ ۋچاسكەلەرىنەن تىكەلەي قوسىلىمدار ۇيىمداستىرىلادى. كورەرمەندەر تەك رەسمي مالىمەتتەرمەن عانا ەمەس, سونداي-اق وقيعا ورنىنان دايىندالعان رەپورتاجدارمەن, سايلاۋشىلارمەن جانە ەرەكشە لوكاتسيالاردان جاسالعان قوسىلىمدارمەن دە تانىسا الادى.
بريفينگ بارىسىندا شتاب وكىلدەرى وڭىرلىك ۇيلەستىرۋشىلەرمەن ءوزارا ءىس-قيمىل, داۋىس بەرۋ كۇنىندەگى جۇمىس فورماتى, سونداي-اق بۇقارالىق اقپارات قۇرالدارى مەن ازاماتتاردىڭ جاڭارتىلعان اقپاراتتى, تىكەلەي ەفيرلەر مەن ساراپتامالىق ماتەريالداردى ناقتى ۋاقىت رەجيمىندە قايدان كورە الاتىنى تۋرالى دا ايتىپ بەرەدى.