مينيسترلىك: قىزىلشاعا قاتىستى ەپيدەميولوگيالىق احۋال جاقسارماي تۇر

جىل باسىنان بەرى ەلىمىزدە قىزىلشا جۇقتىرۋ دەرەگى بويىنشا 4 184 جاعداي تىركەلگەن. اۋرۋ جۇقتىرعانداردىڭ − 83,8%-ىن 14 جاسقا دەيىنگى بالالار قۇراپ وتىر. وتكەن اپتادا قىزىلشا جۇقتىرعاندار كورسەتكىشى الدىڭعى كەزەڭمەن سالىستىرعاندا 1,3 ەسەگە ارتقان.

ونى جۇقتىرعانداردىڭ 77%-ى ەكپە الماعاندار ەكەنى انىقتالدى. ال ەكپە سالدىرماۋ جاعدايىنىڭ 55%-ىندا اتا-انالار ەكپە ەكتىرۋدەن ەرىكتى تۇردە باس تارتقان.

قىزىلشاعا قارسى ەكپە مەديتسينا قىزمەتكەرلەرىنە دە سالىناتىن بولدى

«قازىر ەلىمىزدە ينفەكتسيا وشاقتارىن وقشاۋلاۋ جانە ونىڭ تارالۋىن بولدىرماۋ ماقساتىندا اۋقىمدى ەپيدەمياعا قارسى ءىس-شارالار جۇرگىزىلىپ جاتىر. بالالاردى جوسپارلى جانە قوسىمشا ۆاكتسيناتسيالاۋ توقتاعان جوق. اۋرۋ وشاعىندا بايلانىستا بولعان ادامدارعا شۇعىل ۆاكتسيناتسيالاۋ جۇرگىزىلەدى. سونداي-اق بايلانىستا بولعان ادامدارعا 21 تاۋلىك بويى كۇندەلىكتى مەديتسينالىق باقىلاۋ ۇيىمداستىرىلعان. ال بالاباقشالاردا قىزىلشا جاعدايلارى تىركەلگەن كەزدە ەكپە الماعان بالالار ۋاقىتشا بالاباقشاعا كەلۋىنە رۇقسات ەتىلمەيدى», دەلىنگەن مينيسترلىك تاراتقان حابارلامادا.  

قىزىلشا جۇقتىرعان بالالار كوبەيگەن: دارىگەرلەر اتا-انالارعا ۇندەۋ جاسادى

يممۋنوپروفيلاكتيكا ماسەلەلەرى جونىندەگى رەسپۋبليكالىق شتاب وتىرىستارىندا اۋماقتىق دەنساۋلىق ساقتاۋ دەپارتامەنتتەرى باسشىلارىنىڭ ەسەپتەرى قارالىپ, جامبىل وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باستاماسىمەن يممۋندىق پرەپاراتتاردى ساتىپ الۋعا قوسىمشا قاراجات ءبولىندى.

قىزىلشا تىركەلگەن مەكتەپتەرگە ۆاكتسينا الماعان بالالار جىبەرىلمەيدى

ايتا كەتەيىك, مينيسترلىك سوڭعى 8 جىلدىڭ ىشىندە ەلدە ەكپەدەن باس تارتۋ جاعدايلارى 4,8 ەسەگە ارتقانىن, بۇل ءۇردىس ۇجىمدىق يممۋنيتەتتىڭ تومەندەۋىنە تىكەلەي اسەر ەتىپ, جاعدايدى تولىق تۇراقتاندىرۋعا كەدەرگى كەلتىرىپ وتىرعانىن مالىمدەدى.