قازاقستاندا اۋا رايىنىڭ ناشارلاۋىنا بايلانىستى بىرقاتار تاسجول ەرتەڭگە دەيىن جابىلدى

جولداردىڭ 6 ناۋرىز كۇنى ساعات 08:00-دە اشىلۋى جوسپارلانىپ وتىر. قولايسىز اۋا رايىنا بايلانىستى شەكتەۋ جۇك كولىكتەرى مەن قوعامدىق كولىكتەرگە ەنگىزىلدى.

اقمولا وبلىسى بويىنشا: 

جەزقازعان – ارقالىق – پەتروپاۆل تاسجولى, 532-552 كم – بۋزۋلۋك كەنتىنەن سۋرگان كەنتىنە دەيىنگى ارالىق;

قوستاناي – اۋليەكول – سۋرگان تاسجولى, 232-260 كم – قوستاناي وبلىسىنىڭ شەكاراسىنان سۋرگان كەنتىنە دەيىنگى ارالىق;

جاقسى – ەسىل – بۋزۋلۋك تاسجولى, 71-82 كم – اقساي كەنتىنەن بۋزۋلۋك كەنتىنە دەيىنگى ارالىق.

قوستاناي وبلىسى

قوستاناي – اۋليەكول – سۋرگان تاسجولى, 8-232 كم – توبىل قالاسىنان اقمولا وبلىسىنىڭ شەكاراسىنا دەيىنگى ارالىق.

اقتوبە وبلىسى

رەسەي فەدەراتسياسى شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قىتاي حالىق رەسپۋبليكاسى شەكاراسى تاسجولى, 776-965 كم – اقتوبەدەن قارابۇتاق كەنتىنە دەيىنگى ارالىق;

اقتوبە – رەسەي فەدەراتسياسى شەكاراسى (اليمبەت وتكىزۋ بەكەتى) تاسجولى, 39-136 كم – ءشامشى قالداياقوۆ اۋىلىنان وتكىزۋ بەكەتىنە دەيىنگى ارالىق.

بۇل ەكى ۋچاسكەنى ساعات 10:00-دە اشۋ جوسپارلانىپ وتىر.

بۇعان دەيىن قازگيدرومەت سينوپتيكتەرى 5-7 ناۋرىز ارالىعىندا ەلدىڭ باسىم بولىگىندە اۋا رايى قۇبىلمالى بولىپ, جاڭبىر مەن قار جاۋاتىنىن حابارلاندى.

 ايىپپۇل ارقالاپ جۇرمەڭىز: الماتى – استانا تاسجولىندا جاڭا كامەرالار ىسكە قوسىلدى