قاراعاندى وبلىسىندا رەسپۋبليكالىق ماڭىزى بار استانا – قاراعاندى (اينالما جول ارقىلى) – الماتى اۆتوجولىندا جاڭا جىلدامدىق ولشەگىشتەر ىسكە قوسىلدى. كامەرالار بالقاش قالاسىنان سارىشاعان كەنتىنە دەيىنگى ۋچاسكەدە ورناتىلعان, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ حابارلاۋىنشا, قۇرىلعىلار توراڭعالىق جانە گۇلشات كەنتتەرى ماڭىنداعى قاقپادا ورنالاستىرىلعان. كامەرالار قوزعالىستىڭ ەكى باعىتى بويىنشا دا جىلدامدىق رەجيمىنىڭ بۇزىلۋىن تىركەيدى. بۇل ۋچاسكەدە جىلدامدىق شەكتەۋى – 110 كم/ساع.
«سەرگەككە» سەنىمسىزدىك نەدەن تۋدى؟
سونىمەن قاتار 6 ناۋرىزدان باستاپ قاراعاندى قالاسىندا دا جاڭا جىلدامدىق ولشەگىش جۇمىس ىستەي باستايدى. ول نۇرسۇلتان نازارباەۆ داڭعىلى, 25 مەكەنجايىندا, №3 گيمنازيانىڭ ماڭىندا ورناتىلعان. بۇل جەردە رۇقسات ەتىلگەن جىلدامدىق – 40 كم/ساع.
ترەكەر, كامەرا, «اقىلدى» كولىك: دەپۋتات دەرەكتەر قاۋىپسىزدىگىنە الاڭداۋلى
پوليتسيا جۇرگىزۋشىلەردى مارشرۋتتارداعى وزگەرىستەردى ەسكەرۋگە, بەلگىلەنگەن جىلدامدىقتى ساقتاۋعا جانە جولدا مۇقيات بولۋعا شاقىرادى. بۇل ايىپپۇلداردان ساقتانۋعا جانە جول قوزعالىسى قاۋىپسىزدىگىن ارتتىرۋعا مۇمكىندىك بەرەدى.