ءتورت بىردەي تۋىسىن ولتىرگەن كۇدىكتىنىڭ بۇرىن سوتتى بولعانى بەلگىلى بولدى

ەسكە سالا كەتەيىك, 3 ناۋرىزدا استانا ماڭىنداعى اۋىلدا 42 جاستاعى ەر ادام ءوزىنىڭ اتا-اناسىن, مۇگەدەكتىگى بار اعاسىن جانە 18 جاستاعى قارىنداسىن ءولتىردى دەگەن كۇدىككە ءىلىندى. قازىرگى تاڭدا ول سوتتىڭ سانكتسياسىمەن ەكى ايعا قاماۋعا الىندى. «قازىرگى ۋاقىتتا تەرگەۋ امالدارى ءجۇرىپ جاتىر. كۇدىكتىنىڭ بۇرىن سوتتالعانىن ايتا الامىن. وقيعا ورنىن تەكسەرۋ جۇمىستارى ءۇشىنشى تاۋلىك قاتارىنان جالعاسۋدا. دالەلدەمەلەردى بەكىتۋ ءۇشىن ۇلكەن جۇمىس اتقارىلىپ جاتىر», دەدى سانجار ءادىلوۆ سەناتتا وتكەن بريفينگتە. بۇعان دەيىن قازا تاپقانداردىڭ تۋىستار كۇدىكتىنىڭ پسيحيكالىق ەسەپتە تۇرعانىن حابارلاعان بولاتىن. الايدا رەسمي ورگاندار بۇل اقپاراتتى ءالى ناقتىلاپ جاتىر.