2026 جىلى حالىقارالىق ايەلدەر كۇنىنە وراي قازاقستاننىڭ بىرقاتار وڭىرلەرىندە ايەلدەرگە جەرگىلىكتى بيۋدجەت ەسەبىنەن بىرجولعى الەۋمەتتىك تولەمدەر قاراستىرىلعان. الايدا بۇل قولداۋ بارلىق ايماقتا بىردەي ەمەس: كەي وڭىرلەردە قوماقتى قارجى بولىنسە, ءىرى قالالاردىڭ كەيبىرىندە مەرەكەلىك تولەم مۇلدە قاراستىرىلماعان. بىرجولعى كومەكتىڭ مولشەرى 8 650 تەڭگەدەن 21 625 تەڭگەگە دەيىن, دەپ حابارلايدى Egemen.kz
ايتا كەتەيىك, كوپتەگەن وڭىردە تولەم كوپبالالى انالارعا, «التىن القا», «كۇمىس القا» يەگەرلەرىنە, «باتىر انا» اتاعىن العاندارعا, جانە «انا داڭقى» وردەندەرىمەن ماراپاتتالعان انالارعا بەرىلەدى.
استانادا 37 مىڭ ايەلگە قولداۋ كورسەتىلەدىەلوردادا تولەم كولەمى 2,5 اەك-ءتى (10 813 تەڭگە) قۇرايدى. كومەك كوپبالالى انالارعا, «التىن القا», «كۇمىس القا» يەگەرلەرىنە جانە قالادا تۇراقتى تىركەۋى بار از قامتىلعان ايەلدەرگە بەرىلەدى.
قالا اكىمدىگىنىڭ مالىمەتىنشە, 2026 جىلى شامامەن 37 مىڭ وتباسى قامتىلادى. تولەمدەر قالالىق الەۋمەتتىك كومەك كورسەتۋ قاعيدالارى اياسىندا جۇزەگە اسادى.
ەڭ جوعارى تولەم شىمكەنتتەشىمكەنتتە بىرجولعى تولەم كولەمى 5 اەك-ءتى (21 625 تەڭگە) قۇرايدى. قالادا تۇراقتى تىركەۋى بار, «التىن القا», «كۇمىس القا» يەگەرلەرى, «باتىر انا» اتاعىن العاندار جانە «انا داڭقى» وردەنىمەن ماراپاتتالعان ايەلدەر كومەك الا الادى.
جالپى 14 267 اناعا تولەم جاساۋ جوسپارلانعان. ءتىزىم «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ دەرەكتەرى نەگىزىندە جاساقتالادى.
قاراعاندى وبلىسىندا كەشەندى قولداۋ باروڭىردە 20 000 تەڭگە كولەمىندە بىرجولعى تولەم قاراستىرىلعان. ول «التىن القا», «كۇمىس القا» يەگەرلەرىنە, «باتىر انا» اتاعى بار انالارعا جانە ءتورت جانە ودان كوپ كامەلەتكە تولماعان بالاسى بار وتباسىلارعا بەرىلەدى.
اقمولا وبلىسىندا 2-دەن 5 اەك-كە دەيىنبۇل وڭىردە تولەم مولشەرى اۋدانعا بايلانىستى وزگەرىپ وتىرادى:
5 اەك (21 625 تەڭگە) – كوكشەتاۋ, ستەپنوگورسك, قوسشى, بۋراباي اۋدانى, ەسىل اۋدانى;
3 اەك (12 975 تەڭگە) – ارشالى, ءبىرجان سال, جاقسى, جارقايىڭ, زەرەندى, تسەلينوگراد اۋداندارى;
2 اەك (8 650 تەڭگە) – ساندىقتاۋ اۋدانى.
بارلىعى 3 849 اناعا 73,9 ملن تەڭگە كولەمىندە قاراجات بولىنەدى.
ماڭعىستاۋ وبلىسىندا بەلگىلەنگەن سوماوڭىردە جىلىنا ءبىر رەت 15 000 تەڭگە كولەمىندە تولەم جاسالادى. كومەك «التىن القا», «كۇمىس القا» يەگەرلەرىنە, «باتىر انا» اتاعى بار جانە «انا داڭقى» I–II دارەجەلى وردەندەرىمەن ماراپاتتالعان ايەلدەرگە بەرىلەدى. شامامەن 14 مىڭ انا قامتىلادى.