ورالدا كريمينالدىق پوليتسيا قىزمەتكەرلەرى ءىز-ءتۇزسىز جوعالعان ءۇش ادامدى ءبىر تاۋلىكتە تاپتى, دەپ جازادى Egemen.kz.
ءبىرىنشى جاعدايدا 12 جاستاعى بالا جوعالىپ كەتكەن. ونى ىزدەۋگە بقو پوليتسيا دەپارتامەنتىنىڭ بارلىق بولىمشەسىى جۇمىلدىرىلدى. جەدەل-ىزدەستىرۋ شارالارىنىڭ ناتيجەسىندە بالا قالاداعى ساۋدا-ويىن-ساۋىق ورتالىقتارىنىڭ بىرىنەن تابىلىپ, اتا-اناسىنا تاپسىرىلعان.
اتىراۋدا 15 جاستاعى قىز جوعالىپ كەتتى
ەكىنشى جاعدايدا پوليتسيا قىزمەتكەرلەرى جارتى جىل بويى ۇيىنە كەلمەگەن 33 جاستاعى ايەلدى تاپقان. اقپان ايىنىڭ سوڭىندا ونىڭ اناسى پوليتسياعا جۇگىنىپ, تامىز ايىنان بەرى قىزىن كورمەگەنىن حابارلاعان. ىزدەستىرۋ شارالارى بارىسىندا ايەلدىڭ مەكەنجايى انىقتالىپ, اناسىمەن كەزدەسكەن.
اقتاۋدا ەسىنەن اداسقان 63 جاستاعى ەر ادام جوعالىپ كەتتى
سونداي-اق پوليتسەيلەر 32 جاستاعى جىگىتتى دە تاپتى. ول 2 ناۋرىز كۇنى كەشكە ۇيىنەن شىعىپ كەتىپ, قايتا ورالماعان. ونىڭ ءجۇرىپ وتكەن باعىتى جەدەل باسقارۋ ورتالىعىنىڭ بەينەباقىلاۋ كامەرالارى ءتۇسىپ قالعان. ناتيجەسىندە ەر ادام قاڭىراپ بوس تۇرعان ۇيلەردىڭ بىرىنەن امان-ەسەن تابىلعان. ونىڭ اقىل-ەسى كەم ەكەنى انىقتالعان.