كولىك مينيسترلىگى 4 ناۋرىز كۇنى تاياۋ شىعىس ەلدەرىنەن قازاقستان ازاماتتارى مىنگەن ۇشاقتار ەل اۋەجايلارىنا كەلىپ قونعانىن حابارلادى, دەپ جازادى Egemen.kz.
Air Astana كومپانياسى مەدينا مەن جيددا قالالارىنان بىرنەشە رەيس جاساعان:
KC2202 رەيسى اقتاۋ قالاسىنا ساعات 21:28-دە قوندى. بورتتا 142 ادام بولعان; KC2208 مەدينا – اتىراۋ باعىتى بويىنشا ۇشاق ساعات 01:19-دا قونعان. ۇشاقتا 145 ادام بولعان; KC2206 جيددا – اتىراۋ باعىتى بويىنشا اۋە كەمەسى ساعات 02:50-دە قونعان. بۇل اۋە كەمەسىمەن 174 ادام ەلگە جەتكەن. KC2204 جيددا – اتىراۋ باعىتى بويىنشا ساعات ۇشاق 03:34-تە قونعان. اتالعان باعىت بويىنشا 179 ادام ەلگە ورالعان.دۋباي قالاسىنان 306 جولاۋشى ەلگە ورالدى
سونىمەن قاتار SCAT اۋە كومپانياسى Boeing 767 اۋە كەمەسىمەن الماتى – ماسكات – الماتى باعىتى بويىنشا رەيستى جاساپ جاتىر. ۇشاقتا شامامەن 290 ورىن بار.
بۇگىنگە دەيىن ەلىمىزگە تاياۋ شىعىس ەلدەرىنەن 946 جولاۋشى قايتارىلعان.
دۋبايدان ومان ارقىلى 467 وتانداسىمىز ەلگە جەتكىزىلەدى
مينيسترلىك قازاقستان ازاماتتارىن ەلگە قايتارۋ جۇمىستارى جالعاساتىنىن مالىمدەدى.
ەسكە سالا كەتەيىك, يزرايل 28 اقپان, سەنبى كۇنى تاڭەرتەڭ يرانعا سوققى جاسادى. دۋباي, ابۋ-دابي جانە راس-ەل-حايمادا جۇرگەن قازاقستان ازاماتتارى رەيستەردىڭ توقتاتىلۋىنا بايلانىستى ەلگە قايتا الماي وتىر. ال «قازپوشتا» تاياۋ شىعىستاعى جاعدايدىڭ شيەلەنىسۋىنە بايلانىستى حالىقارالىق پوشتا جونەلتىلىمدەرىنە ۋاقىتشا شەكتەۋلەر قويىلعانىن مالىمدەدى.
بۇعان دەيىن تاياۋ شىعىستاعى قاقتىعىس سالدارىنان 13 رەيس توقتاتىلعانىن جازعان بولاتىنبىز. سونداي-اق تاياۋ شىعىستاعى احۋالدىڭ ۋشىعۋىنا بايلانىستى قازاقستاننىڭ شەت ەلدەردەگى مەكەمەلەرىنىڭ جەدەل بايلانىس جانە «جەدەل جەلى» نومىرلەرىنىڭ ىسكە قوسىلعانى حابارلانعان ەدى.
كەشە دۋبايدان ومان ارقىلى 467 وتانداسىمىز ەلگە جەتكىزىلدى. سونىمەن قاتار Flydubai اۋە كومپانياسى دۋباي قالاسىنان استانا جانە الماتى قالالارىنا ەكى ەۆاكۋاتسيالىق رەيستى ورىندادى. بۇگىنگە دەيىن ەلىمىزگە تاياۋ شىعىس ەلدەرىنەن 946 جولاۋشى قايتارىلعان.