اقمولا وبلىسىنىڭ ششۋچينسك قالاسىندا ورىن العان جويقىن جارىلىستىڭ زاردابى كۇن ساناپ اۋىرلاپ بارادى. دامحاناداعى ورتتەن اۋىر جاراقات العان تاعى ەكى ادام قالالىق اۋرۋحانادا كوز جۇمدى. وسىلايشا, بۇل قايعىلى وقيعادان قازا تاپقانداردىڭ جالپى سانى توعىزعا جەتتى, دەپ حابارلايدى Egemen.kz.
ششۋچينسكتەگى جارىلىس: زارداپ شەككەن تاعى ءبىر ادام قايتىس بولدى
«كەشە ششۋچينسك اۋداندىق اۋرۋحاناسىندا اۋىر جاراقات العان ءبىر ناۋقاستان ايىرىلدىق. بۇگىن, وكىنىشكە قاراي, دەنەسىنىڭ 85 پايىزى كۇيگەن تاعى ءبىر پاتسيەنتىمىز كوز جۇمدى. دارىگەرلەر قولدان كەلگەننىڭ ءبارىن جاسادى, بىراق اسقىنۋلاردىڭ تىم اۋىرلىعى اسەر ەتتى. قازا بولعانداردىڭ جاقىندارىنا قايعىرىپ كوڭىل ايتامىز», دەدى ەرمەك ناريمان.ششۋچينسكتەگى قايعىلى جاعداي: ءدامحانانىڭ يەسى قاماۋعا الىندى
ەستەرىڭىزگە سالا كەتەيىك, 26 اقپان كۇنى دامحاناداعى گاز باللونىنىڭ جارىلىس بولدى. قازىرگى ۋاقىتتا 6 ناۋقاس ششۋچينسك پەن وبلىستىق اۋرۋحانانىڭ جانساقتاۋ بولىمىندە جاتىر. تاعى بەس ادام ساناۆياتسيامەن استاناداعى ۇلتتىق شۇعىل مەديتسينا ورتالىعىنا جەتكىزىلگەن. 8 تۇرعىن اۋداندىق اۋرۋحانادا امبۋلاتورلىق ەم الۋدا.