قازاقستان تاياۋ شىعىستاعى قاقتىعىسقا قاتىستى ەشبىر تاراپتىڭ جاعىنا شىقپايدى جانە وزگە مەملەكەتتەردىڭ ىشكى ىسىنە ارالاسپاۋ قاعيداتىن ۇستانادى. بۇل تۋرالى سىرتقى ىستەر ۆيتسە-ءمينيسترى الىبەك باقاەۆ مالىمدەدى, دەپ حابارلايدى Egemen.kz.
ونىڭ ايتۋىنشا, ەلىمىزدىڭ ۇستانىمى وزگەرىسسىز قالادى: قازاقستان يراندى دا, شابۋىلعا ۇشىراعان ەلدەردى دە قولدامايدى. ەل اسكەري شيەلەنىستىڭ ۋشىعۋىنا قارسى جانە كەز كەلگەن قاقتىعىستىڭ الدىن الۋ قاجەت دەپ سانايدى. ال تۋىنداعان جاعدايدا ولار تەك ديپلوماتيالىق جولمەن شەشىلۋى ءتيىس.
تاياۋ شىعىستاعى قاقتىعىس سالدارىنان 13 رەيس توقتاتىلدى
كەلىسسوزدەر وتكىزۋ ءۇشىن الاڭ ۇسىنۋ مۇمكىندىگى تۋرالى سۇراققا جاۋاپ بەرگەن ۆيتسە-مينيستر قازاقستاننىڭ كۇردەلى حالىقارالىق جانجالداردى رەتتەۋدە دەلدالدىق تاجىريبەسى بار ەكەنىن ەسكە سالدى.
سونىمەن بىرگە, قازىرگى ۋاقىتتا كەلىسسوز الاڭىن ۇسىنۋ جونىندە رەسمي وتىنىشتەر تۇسپەگەنى ايتىلدى. الايدا مۇنداي ۇسىنىس جاسالعان جاعدايدا قازاقستان ونى قاراستىرۋعا دايىن.
قازاقستان تاياۋ شىعىستاعى جاعدايعا بايلانىستى «جەدەل جەلى» نومىرلەرىن ىسكە قوستى