تاياۋ شىعىستا جۇرگەن قازاقستاندىقتار ەلگە اۋە كەڭىستىگى تولىق قاۋىپسىز دەپ تانىلعاننان كەيىن عانا قايتا الادى. بۇل تۋرالى كولىك مينيسترلىگىنىڭ ءباسپاسوز قىزمەتى مالىمدەدى, دەپ جازادى Egemen.kz.
ۆەدومستۆو دەرەگىنشە, وڭىردە وتكەن دەمالىس كۇندەرى باستالعان اسكەري قاقتىعىس سالدارىنان جاعداي كۇردەلى كۇيىندە قالىپ وتىر. اۋە قاتىناسىنا تونگەن قاۋىپكە بايلانىستى تۇراقتى رەيستەر ۋاقىتشا توقتاتىلعان.
كولىك مينيسترلىگى ازاماتتىق اۆياتسيا كوميتەتى توراعا ورىنباسارىنىڭ مىندەتىن اتقارۋشى باۋىرجان ومىراليەۆ جاعدايعا قاتىستى تۇسىنىكتەمە بەردى.
«وپەراتيۆتىك شتاب مۇشەلەرى وسى ەلدەردەگى جاعدايدى تۇراقتى تۇردە باقىلاپ وتىر. وسىعان بايلانىستى كەستە بويىنشا جوسپارلانعان 13 رەيس تولىقتاي توقتاتىلدى. اۋە كەڭىستىگى اشىلىپ, ۇشۋ قاۋىپسىزدىگىنە قاتەر جويىلعان جاعدايدا وتاندىق اۋە كومپانيالارى قايتارۋ رەيستەرىن ورىنداۋ ءۇشىن اۋە كەمەلەرىن بولۋگە دايىن ەكەنىن ءبىلدىردى», دەدى ول.
يراندا جۇرگەن قازاقستاندىقتار ەلگە قالاي ورالادى؟
قاقتىعىسقا تارتىلعان نەمەسە وعان ىرگەلەس ەلدەردىڭ بيلىك ورگاندارىمەن كەلىسسوزدەر تاۋلىك بويى جۇرگىزىلىپ جاتىر. قازاقستاننىڭ تاياۋ شىعىس ەلدەرىندەگى ديپلوماتيالىق وكىلدىكتەرى كۇشەيتىلگەن جۇمىس رەجيمىنە كوشكەن. ولار وڭىردە جانە ترانزيتتىك ايماقتاردا جۇرگەن وتانداستاردىڭ ءتىزىمىن ناقتىلاپ, جەدەل بايلانىس نومىرلەرىن تاراتىپ جاتىر.
يران شەتەلدىك ستۋدەنتتەردىڭ ەلدەن شىعۋ ءتارتىبىن جەڭىلدەتتى
سونىمەن قاتار سىرتقى ىستەر مينيسترلىگى قاقتىعىس ايماعىندا ناقتى قانشا قازاقستان ازاماتى بار ەكەنىن ازىرگە ايتا الماي وتىر. ۆەدومستۆو ازاماتتاردى سابىر ساقتاۋعا, جەرگىلىكتى بيلىك تالاپتارى مەن ۇسىنىمدارىن ورىنداۋعا, قاۋپى جوعارى ايماقتاردان اۋلاق بولۋعا شاقىردى.
وتانداستارىمىز قاي ەلدەر ارقىلى ەۆاكۋاتسيالانادى؟
قازىرگى ۋاقىتقا دەيىن ەل ازاماتتارىنڭ اراسىندا زارداپ شەككەندەر تۋرالى اقپارات تۇسكەن جوق.