بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ تاسجولداردىڭ ساپاسى مەن قاۋىپسىزدىگىن ارتتىرۋ, شەكارالىق وتكىزۋ بەكەتتەرىندەگى وبەكتىلەردى قوسا العاندا, جول بويىنداعى سەرۆيستى دە دامىتۋ قاجەت ەكەنىن اتاپ ءوتتى, دەپ جازادى Egemen.kz.
«جول بويىنداعى سەرۆيستى دامىتۋعا ەرەكشە نازار اۋدارۋ قاجەت. بۇل ورايدا ۇلتتىق ستاندارتتارعا ساي كەلەتىن نىسانداردىڭ قاتارى كوبەيىپ كەلەدى. بىراق ولار نەگىزىنەن ءىرى ەلدى مەكەندەردىڭ ماڭىندا ورنالاسقان. سوندىقتان, تراسسالاردىڭ بويىندا سەرۆيستىك ورتالىقتاردى بىركەلكى اشىپ, جۇرگىزۋشىلەرگە جانارماي بەكەتتەرى مەن قوناق ۇيلەرگە دەيىنگى قاشىقتىق تۋرالى مالىمەت بەرەتىن جول بەلگىلەرىن ورناتۋ كەرەك. سونىمەن قاتار شەكارالىق وتكىزۋ بەكەتتەرىنىڭ ماڭىندا جۇرگىزۋشىلەرگە قىزمەت كورسەتەتىن سەرۆيستىك نىساندار اشۋ بويىنشا شارالار قابىلدانۋى ءتيىس», دەدى ولجاس بەكتەنوۆ.
2029 جىلعا دەيىن 10 مىڭ شاقىرىم اۆتوجولعا جوندەۋ جۇرگىزىلەدى
پرەمەر-مينيستر ترانزيتتىك تاسىمال كولەمىنىڭ ارتۋىنا بايلانىستى اۋىر جۇك كولىكتەرىنە دە ساپالى قىزمەت قاجەت ەكەنىن اتاپ ءوتىپ, سەرۆيستىك سەگمەنتتىڭ بۇل تۇرىنە سۇرانىس جوعارى, ونى وتاندىق بيزنەس ۇسىنا الاتىنىن جەتكىزدى.
الماتى − قوناەۆ تاسجولى: اقىلى جولداردا كىمدەر تەگىن جۇرە الادى؟
جالپى, ۇكىمەت وتىرىسىندا جاڭا تاسجول جوبالارىن كەشەندى تۇردە جۇزەگە اسىرىپ, ينفراقۇرىلىمدى دامىتۋدى جانە جوندەۋ جۇمىستارىنىڭ تولىق كولەمدە اياقتالۋىن قامتاماسىز ەتۋ قاجەتتىگى اتاپ ءوتىلدى. كولىك مينيسترلىگىنە اكىمدىكتەرمەن بىرلەسىپ, ءتيىستى ستاندارتتار مەن بيزنەستى ىنتالاندىرۋ شارالارىن قامتاماسىز ەتىپ, ءبىرىنشى مامىرعا دەيىن ءار وڭىردە جول بويىنداعى سەرۆيستى دامىتۋدىڭ ەكجەي-تەكجەيلى كارتاسىن ازىرلەۋ تاپسىرىلدى.
40 مىڭ شاقىرىمنان استام تاسجولدا ينتەرنەت پايدا بولادى