بۇگىن «Egemen Qazaqstan» گازەتىندە پرەمەر-مينيستر ولجاس بەكتەنوۆتىڭ «جاسامپازدىققا جەتەلەگەن جەتى جىل» اتتى ماقالاسى جاريالاندى. وندا پرەزيدەنت قاسىم-جومارت توقاەۆتىڭ تۇتاس ۇلت تاعدىرىن موينىنا العان جەتى جىلداعى ەلىمىزدىڭ الەۋمەتتىك-ەكونوميكالىق وزگەرىستەرى تۋرالى جازىلعان, دەپ حابارلايدى Egemen.kz.
ۇكىمەت باسشىسى ءوز ماقالاسىندا مەكتەپ ينفراقۇرىلىمىنداعى قوردالانعان پروبلەمالاردى جويۋ تۋرالى ءسوز ەتكەن. ونىڭ ايتۋىنشا, كەيىنگى جەتى جىلدا 1 300-دەن استام جاڭا مەكتەپ سالىندى, اپاتتى جانە ءۇش اۋىسىمدى ءبىلىم وشاقتارىنىڭ سانى ايتارلىقتاي ازايىپ, ماتەريالدىق-تەحنيكالىق بازا جاڭارتىلدى.
«پرەزيدەنت باستاماسىمەن جۇزەگە اسىرىلىپ جاتقان «كەلەشەك مەكتەپتەرى» ۇلتتىق جوباسى اياسىندا عانا 2023 – 2025 جىلدارى بۇكىل ەلىمىز بويىنشا ەڭ جوعارى حالىقارالىق ستاندارتتارعا سايكەس كەلەتىن 217 مەكتەپ سالىندى. TALIS-2024 حالىقارالىق زەرتتەۋىنە سايكەس, قازاقستان مۇعالىمدەردىڭ ەڭبەكاقىسىمەن قاناعاتتانۋ دەڭگەيى بويىنشا الەم ەلدەرىنىڭ ۇزدىك بەستىگىنە كىردى. ەگەر 2018 جىلى بۇل كورسەتكىش نەبارى 39% بولسا, 2024 جىلى 71%-عا جەتتى. ەلىمىزدەگى پەداگوگتەردىڭ 95%-ى ءوز جۇمىسىنا كوڭىلى تولاتىنىن ايتتى», دەلىنگەن ماقالادا.
سونداي-اق ماقالادا مەكتەپكە دەيىنگى ۇيىمدار جەلىسى دە كەڭەيىپ, ولاردىڭ قاتارى 12 مىڭعا جەتكەنى جازىلعان.
ورالدا 79 بالاباقشا مەن 36 مەكتەپ سالىنادى
ماقالانىڭ تولىق نۇسقاسىن مىنا سىلتەمە ارقىلى وقۋعا بولادى.
ەلىمىزدە 200-دەن استام جاڭا مەكتەپ سالىنادى