ۇلىبريتانيا, گەرمانيا جانە فرانتسيا بيلىگى يران تاياۋ شىعىستاعى وداقتاستارىنا باعىتتالعان «تاڭداماي جاسالاتىن جانە شامادان تىس» شابۋىلدارىن توقتاتپاسا, اسكەري كۇش قولدانۋعا دايىن ەكەنىن مالىمدەدى. ءۇش ەلدىڭ بىرلەسكەن مالىمدەمەسىن گەرمانيا ۇكىمەتىنىڭ ءباسپاسوز قىزمەتى تاراتتى, دەپ جازادى Egemen.kz.
مالىمدەمەدە يراننىڭ سوققىلارى اتالعان مەملەكەتتەردىڭ اسكەري قىزمەتكەرلەرى مەن ازاماتتارىنىڭ قاۋىپسىزدىگىنە قاتەر توندىرەتىنى ايتىلعان. وسىعان بايلانىستى تەگەراندى اتىستى دەرەۋ دوعارۋعا شاقىردى.
«تەگەران ەندى بۇرىنعىداي بولمايدى»: يزرايل مەن اقش يرانعا سوققى جاسادى
ء«بىز وڭىردەگى ءوز مۇددەلەرىمىزدى جانە وداقتاستارىمىزدىڭ مۇددەلەرىن قورعاۋ ءۇشىن ناقتى قادامدار جاسايمىز. قاجەت بولعان جاعدايدا يراننىڭ زىمىراندار مەن ۇشقىشسىز ۇشۋ اپپاراتتارىن ۇشىرۋ مۇمكىندىگىن جويۋعا باعىتتالعان قاجەتتى ءارى ولشەمدى قورعانىس شارالارى قابىلدانادى», دەلىنگەن ۇلىبريتانيا, گەرمانيا جانە فرانتسيا ۇكىمەتتەرىنىڭ بىرلەسكەن مالىمدەمەسىندە.
سونداي-اق ءۇش ەل ارەكەتتەرىن اقش جانە وزگە دە وداقتاستارمەن ۇيلەستىرىپ وتىرۋعا كەلىسكەن.
يراندا ءالي حامەنەينىڭ ورنىنا ۋاقىتشا كوشباسشى تاعايىندالدى
يراننىڭ زىمىران سوققىلارى تەك يزرايلگە عانا ەمەس, ايماقتا اقش-تىڭ اسكەري نىساندارى ورنالاسقان وزگە ەلدەرگە دە باعىتتالعانى حابارلاندى. ولاردىڭ قاتارىندا ساۋد ارابياسى, بىرىككەن اراب امىرلىكتەرى, باحرەين, قاتار جانە يوردانيا بار. كۋاگەرلەردىڭ ايتۋىنشا, شابۋىلدار اسكەري بازالارمەن قاتار ازاماتتىق ينفراقۇرىلىمعا دا اسەر ەتكەن.
يران توڭىرەگىندەگى جاعداي: مۇناي نەگە قىمباتتادى؟