جالعان اقپاراتقا قارسى ءىس-قيمىل ورتالىعى قازاقستان رەسپۋبليكاسى كونستيتۋتسياسىنىڭ جاڭا جوباسى توڭىرەگىندەگى ەڭ كوپ تارالعان فەيكتەر مەن مانيپۋلياتسيالارعا شولۋ دايىندادى, دەپ حابارلايدى Egemen.kz.
ورتالىق ماماندارى جەلىدە تاراعان جالعان مالىمدەمەلەردى جوبانىڭ رەسمي ماتىنىمەن جانە مەملەكەتتىك ورگانداردىڭ تۇسىندىرمەلەرىمەن سالىستىرىپ شىقتى.
«كونستيتۋتسيا پرەزيدەنتتىڭ وكىلەتتىكتەرىن كۇشەيتەدى»بۇل قۇجاتتىڭ مازمۇنىنا سايكەس كەلمەيدى.
جوبا تەجەمەلىك ءارى تەپە-تەڭدىك جۇيەسىن بەكىتەدى. نەگىزگى كادرلىق شەشىمدەر - ۆيتسە-پرەزيدەنتتى, پرەمەر-ءمينيستردى, كونستيتۋتسيالىق سوت سۋديالارىن, ورتالىق سايلاۋ كوميسسياسى مەن جوعارى اۋديتورلىق پالاتا مۇشەلەرىن تاعايىنداۋ - قۇرىلتايدىڭ كەلىسىمىمەن جۇزەگە اسىرىلادى.
سونىمەن قاتار, پرەزيدەنتتىڭ قايتا سايلانۋ قۇقىعىنسىز ءبىر رەتتىك جەتى جىلدىق وكىلەتتىك مەرزىمى ساقتالادى.
مۇنداي قۇرىلىم «سۋپەرپرەزيدەنتتىك» مودەلگە ەمەس, پرەزيدەنتتىك رەسپۋبليكاعا ءتان.
قورىتىندى: فەيك
«شەتەلدىكتەرگە جەر ساتۋعا قويىلعان تىيىم الىنىپ تاستالادى»جوبا ماتىنىندە شەتەل ازاماتتارىنا جەر ساتۋعا رۇقسات بەرەتىن نورمالار جوق.
8-باپتىڭ 3-تارماعىندا:
«جەر جانە ونىڭ قويناۋى, سۋلار, وسىمدىكتەر مەن جانۋارلار دۇنيەسى, وزگە دە تابيعي رەسۋرستار حالىققا تيەسىلى. حالىق اتىنان مەنشىك قۇقىعىن مەملەكەت جۇزەگە اسىرادى. جەر زاڭدا بەلگىلەنگەن نەگىزدەردە, شارتتار مەن شەكتەردە جەكە مەنشىكتە دە بولۋى مۇمكىن» دەپ بەكىتىلگەن.
قورىتىندى: فەيك
«تەگىن مەديتسينا جويىلادى»جوبا مەديتسينالىق كومەكتىڭ وتەۋسىز سيپاتىن ساقتايدى.
32-باپتىڭ 2-تارماعىنا سايكەس:
«قازاقستان رەسپۋبليكاسىنىڭ ازاماتتارى زاڭدا بەلگىلەنگەن, وزدەرى تولەمەيتىن مەديتسينالىق كومەكتى الۋعا قۇقىلى».
بۇل جەردە ماسەلە تەگىن مەديتسينانى جويۋدا ەمەس, اتالعان قۇقىقتى ىسكە اسىرۋ تەتىگىن زاڭنامالىق تۇرعىدان ناقتىلاۋدا بولىپ وتىر.
قورىتىندى: مانيپۋلياتسيا
«تەگىن ءبىلىم بەرۋ جويىلادى»بۇل دا جوبا ماتىنىنە سايكەس كەلمەيدى.
شىن مانىندە, مەملەكەتتىك وقۋ ورىندارىندا ورتا ءبىلىم بەرۋدىڭ وتەۋسىز سيپاتىنا كونستيتۋتسيا كەپىلدىك بەرەدى. سونداي-اق, جوعارى وقۋ ورىندارىندا تەگىن جوعارى ءبىلىم الۋ قۇقىعى بەكىتىلەدى (33-باپ).
كونستيتۋتسيالىق رەفورما جونىندەگى كوميسسيانىڭ 9-وتىرىسىندا پرەمەر-ءمينيستردىڭ ورىنباسارى - مادەنيەت جانە اقپارات ءمينيسترى ايدا بالاەۆا:
«ەشكىم مەديتسينالىق كومەك پەن ءبىلىم الۋ قۇقىعىنان ايىرىلمايدى... «تەگىن» دەگەن ۇعىم قۇقىقتىق تۇرعىدان ناقتىراق «ازاماتتار اقى تولەمەي, زاڭدا بەلگىلەنگەن تارتىپپەن مەديتسينالىق كومەك الۋعا قۇقىلى» دەگەن تۇجىرىمدامامەن الماستى», دەپ اتاپ ءوتتى.
قورىتىندى: مانيپۋلياتسيا
سەمەيدە جاڭا كونستيتۋتسيا تۋرالى جالعان اقپارات تاراتقان تۇرعىن جازالاندى
«جىل سايىنعى اقىلى دەمالىستار جويىلادى»بۇل - قاتە پايىم.
كونستيتۋتسيا جوباسىنىڭ 27-بابى دەمالۋ قۇقىعىنا كەپىلدىك بەرەدى. ال جىل سايىنعى اقىلى دەمالىستىڭ ناقتى ۇزاقتىعى مەن شارتتارى ەڭبەك كودەكسىمەن ايقىندالادى.
كونستيتۋتسيالىق نورما ءپرينتسيپتى بەكىتەدى, ال ەگجەي-تەگجەيى سالالىق زاڭنامامەن رەتتەلەدى.
جاڭا كونستيتۋتسيا تۋرالى جالعان اقپارات تاراتقان ازامات جازالاندى