استانا. 13 مامىر. قىزىلوردا وبلىسى قازالى اۋدانىندا «نۇر وتان» پارتياسىنىڭ ساياسي دوكتريناسىن ىسكە اسىرۋعا باعىتتالعان «مىقتى بيزنەس – قۋاتتى مەملەكەت» اتتى جاس كاسىپكەرلەر فورۋمى ءوتتى. بۇل تۋرالى egemen.kz حابارلادى.
فورۋمدى اۋدان اكىمىنىڭ ورىنباسارى ب.جارىلقاپ اشىپ, جۇرگىزىپ وتىردى. وعان «نۇر وتان» پارتياسى قىزىلوردا وبلىستىق فيليالى توراعاسىنىڭ ءبىرىنشى ورىنباسارى ن.بايقاداموۆ, قىزىلوردا وبلىسىنىڭ كاسىپكەرلىك جانە تۋريزم باسقارماسى باسشىسىنىڭ ورىنباسارى ق.داتقابەكوۆا, جاستار رەسۋرستىق ورتالىعىنىڭ «جاستار جانە جاستار ۇيىمدارىمەن جۇمىس جاساۋ» ءبولىمىنىڭ اعا كەڭەسشىسى ج.دوسماحانوۆ قاتىسىپ, ءوز ويلارىمەن ءبولىستى.
فورۋم بارىسىندا مەملەكەت تاراپىنان شاعىن جانە ورتا كاسىپكەرلىكتى قولداۋعا باعىتتالعان ءتۇرلى باعدارلامالار, جاڭا كاسىپكەرلىك تۇرلەرى تۋرالى باياندالىپ, جاستارعا كەڭەستەر ايتىلدى.
سونداي-اق, جاس كاسىپكەرلەر م.قانيەۆ, ن.قازبەرگەنوۆ جانە قازالى قالاسىنداعى ورتالىق الاڭعا «دەمالىس ويىن-ساۋىق ورنىن» ۇيىمداستىرۋدى قولعا العان ج.جۇبانعانوۆ ءوز پىكىرلەرىن ءبىلدىردى.
شارا سوڭىندا اۋدان بويىنشا شاعىن كاسىپكەرلىكتى دامىتۋدا بەلسەندىلىك تانىتىپ جۇرگەن ءبىر توپ جاس كاسىپكەرلەر اۋدان اكىمىنىڭ, «نۇر وتان» پارتياسى قىزىلوردا وبلىستىق فيليالى توراعاسىنىڭ جانە وبلىستىق سالالىق باسقارما باسشىلارىنىڭ «العىس حاتتارىمەن» جانە باعالى سىيلىقتارىمەن ماراپاتتالدى.
ەلامان قوڭىر.
دەرەك, سۋرەت: egemen.kz.