ماڭعىستاۋ وبلىسىنداعى ءىرى مۇناي ءوندىرۋشى كاسىپورىنداردىڭ ەڭبەك ۇجىمدارى ەلىمىزدىڭ جاڭا كونستيتۋتسياسىنا قولداۋ ءبىلدىردى. بۇل تۋرالى وڭىردەگى «وزەنمۇنايگاز» اق, «ماڭعىستاۋمۇنايگاز» اق, «قاراجانباسمۇناي» اق, سونداي-اق «Oil Services Company» جشس جانە «Dunga Operating» كومپانيالارىنىڭ وكىلدەرى مالىمدەدى, دەپ حابارلايدى Egemen.kz.
كونستيتۋتسيادا ادام كاپيتالى – نەگىزگى باسىمدىق
ەڭبەك ۇجىمدارى جۇرگىزىلىپ جاتقان كونستيتۋتسيالىق وزگەرىستەردىڭ ماڭىزدىلىعىن جانە ولاردىڭ رەسپۋبليكانىڭ الداعى دامۋى ءۇشىن ستراتەگيالىق ءمانى بار ەكەنىن اتاپ ءوتتى. ء«بىز ەلىمىزدىڭ بولاشاعى, تۇراقتىلىق, بىرلىك, زاڭ مەن ءتارتىپ ءۇشىن داۋىس بەرەمىز. مەملەكەتتىلىكتى نىعايتۋعا, قوعامدى دامىتۋعا جانە ءاربىر ازاماتتىڭ جاۋاپكەرشىلىگىن ارتتىرۋعا باعىتتالعان باستامالاردى قولدايمىز. ماڭعىستاۋ وبلىسىنىڭ مۇناي كاسىپورىندارىنىڭ ۇجىمدارى جاڭا كونستيتۋتسيانى قولداي وتىرىپ, بارشانى ازاماتتىق ۇستانىمىن تانىتۋعا جانە الداعى رەفەرەندۋمدا داۋىس بەرۋگە شاقىرادى», دەپ اتاپ ءوتتى كاسىپورىن وكىلدەرى. مۇناي-گاز سالاسىنىڭ قىزمەتكەرلەرى جاڭا كونستيتۋتسيانىڭ قابىلدانۋى تۇراقتى ەكونوميكالىق ءوسۋدىڭ, الەۋمەتتىك ادىلدىكتىڭ جانە مەملەكەت تاۋەلسىزدىگىن نىعايتۋدىڭ بەرىك نەگىزى بولاتىنىنا سەنىمدى.ساراپشىلار كونستيتۋتسيانىڭ جاڭا جوباسىنا ءبىراۋىزدان قولداۋ ءبىلدىردى