قاراعاندى وبلىسى كريمينالدى پوليتسيا قىزمەتكەرلەرى «ارلان» ارنايى جاساعىنىڭ قولداۋىمەن پاتەر ۇرلىعىمەن اينالىسقان قىلمىستىق توپتىڭ ارەكەتىن توقتاتتى, دەپ حابارلايدى Egemen.kz.
ىشكى ىستەر مينيسترلىگىنىڭ مالىمەتىنشە, جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە 35-39 جاس ارالىعىنداعى ءۇش ەر ادام ۇستالدى. ولار الدىن الا ويلاستىرىلعان قىلمىستىق سحەما بويىنشا ارەكەت ەتكەن.
«كۇدىكتىلەر لوبودا كوشەسىندەگى تۇرعىن ۇيلەردىڭ بىرىنە مەتالل قورشاۋدى, پلاستيك تەرەزەنى بۇزىپ, زاڭسىز كىرگەن. سودان التىن بۇيىمدار مەن گاۋھار تاستارى بار اشەكەيلەر (شامامەن 40 اتاۋ), كۇزەن تون جانە نوۋتبۋكتى ۇرلاپ كەتكەن. جابىرلەنۋشىگە كەلتىرىلگەن جالپى ماتەريالدىق شىعىن 20 ميلليون تەڭگەدەن اسىپ وتىر», دەپ حابارلادى پوليتسيا.
اسا ءىرى كولەمدەگى ۇرلىق دەرەگى بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى.
استانا قالاسىندا پاتەر ۇرلىعىمەن اينالىسقاندار ۇستالدى
قازىرگى ۋاقىتتا جان-جاقتى تەرگەۋ امالدارى جۇرگىزىلىپ جاتىر. پوليتسەيلەر ولاردىڭ ءوڭىر اۋماعىندا تىركەلگەن وزگە دە ۇقساس قىلمىستارعا قاتىستىلىعىن تەكسەرىپ جاتىر.
پاۆلودار وبلىسىندا مال ۇرلىعىمەن اينالىسقان قىلمىستىق توپ ۇستالدى