جامبىل وبلىسىنىڭ اكىمى ەربول قاراشوكەەۆتىڭ تاپسىرماسىمەن ونىڭ ءبىرىنشى ورىنباسارى نۇرجان كالەندەروۆ تۇرار رىسقۇلوۆ اۋدانىنا بارىپ, جويقىن جەلدەن زارداپ شەككەن نىسانداردى زەردەلەدى, دەپ حابارلايدى Egemen.kz.
21 اقان كۇنى تۇنگى 04.00 شاماسىندا باستالعان داۋىلدىڭ جىلدامدىعى سەكۋندىنا 30 مەترگە جەتىپ, سالدارىنان 7 ەلدى مەكەندەگى 29 نىساننىڭ شاتىرى ۇشقان بولاتىن. ولاردىڭ قاتارىندا 10 الەۋمەتتىك نىسان بار. بۇدان بولەك 19 ەلدى مەكەندە ەلەكتر جارىعى ءسونىپ, 7 اۋىلدا گاز بەرۋ ۋاقىتشا توقتاتىلدى. ءوڭىر باسشىسىنىڭ تاپسىرماسىنا سايكەس, ەلەكتر جارىعى مەن گازدى قالپىنا كەلتىرۋ بويىنشا 10 بريگادا ىسكە كىرىسكەن. اۋداندا بىرنەشە نىسان بويىنشا توتەنشە جاعداي جاريالاندى.
مەركى اۋدانىندا دا قاتتى جەل سالدارىنان 5 اۋىلدىق وكرۋگتەگى 27 تۇرعىن ءۇيدىڭ شاتىرى ءىشىنارا زاقىمدانعان. سونىمەن قاتار 5 ءبىلىم بەرۋ نىسانىنىڭ شاتىرى مەن سىرتقى قاسبەتى ب ۇلىنگەن. 8 اۋىلدىق ەلدى مەكەندە ەلەكتر جارىعى سونسە, 3 ەلدى مەكەندە گاز جەلىلەرىنە زاقىم كەلگەن.
جالپى, ەكى اۋداندا دا زارداپ شەككەن تۇرعىندار جوق. قوعامدىق-ساياسي احۋال تۇراقتى.
قازىرگى تاڭدا داۋىل سالدارىنان كەلگەن شىعىن كولەمىن انىقتاۋ جۇمىستارى جالعاسۋدا. كوممۋنالدىق جەلىلەر شتاتتىق رەجيمدە جۇمىس ىستەۋدە.
نۇرجان كالەندەروۆ جۇمىس ساپارى بارىسىندا جەدەل شتاب وتىرىسىن وتكىزىپ, ت. رىسقۇلوۆ جانە مەركى اۋداندارى اكىمدەرىنە ناقتى مىندەتتەر جۇكتەدى.
ءوڭىر باسشىسىنىڭ ءبىرىنشى ورىنباسارى ەڭ الدىمەن ەلەكتر ەنەرگياسى مەن كوگىلدىر وتىننىڭ تولىق ءارى تۇراقتى بەرىلۋىن قامتاماسىز ەتۋدى, قاجەت بولعان جاعدايدا قوسىمشا كۇشتەر مەن قۇرالداردى تارتۋعا ۇسىنىس بەرۋدى, قۇلاعان اعاشتار مەن ب ۇلىنگەن شاتىرلاردى جەدەل تازالاۋدى, زاقىم كەلگەن ءبىلىم بەرۋ نىساندارىندا بالالاردىڭ قاۋىپسىزدىگىن ساقتاۋدى, سونداي-اق قالپىنا كەلتىرۋ جۇمىستارىن ساپالى ءارى بەلگىلەنگەن مەرزىمدە اياقتاۋدى تاپسىردى.
قازاقستاندا قاي باعىتتاعى جولدار جابىق؟