الداعى كۇندەرى ەلىمىزدىڭ كەي جەرلەرىندە كۇن كۇرت سۋىتادى

استانا. 26 ناۋرىز. ناۋرىز ايىنىڭ سوڭعى كۇندەرىندە ەلىمىزدىڭ بىرقاتار وڭىرىندە اۋا رايى كۇرت سۋىتىپ, اياز بولادى. بۇل تۋرالى «قازگيدرومەت» حابارلادى. سينوپتيكتەردىڭ بولجاۋىنشا, 28-29 ناۋرىز كۇندەرى سولتۇستىك قازاقستان, اقمولا, پاۆلودار, قاراعاندى, قوستاناي جانە اقتوبە وبلىستارىندا اۋا تەمپەراتۋراسى 15-20 گرادۋسقا دەيىن تومەندەيدى. كەي جەرلەردە 25 گرادۋس اياز بولۋى مۇمكىن. ال 29-30 ناۋرىزدا جامبىل جانە وڭتۇستىك قازاقستان وبلىستارىندا كۇشتى جەل سوعىپ, -3-8 گرادۋس شاماسىندا اياز بولادى دەپ كۇتىلۋدە. سولتۇستىك-شىعىستان سوققان جەلدىڭ كۇشى سەكۋندىنا 18-23 مەترگە دەيىن جەتەدى. ءتىپتى تاۋلى ايماقتاردا جەل 30 م/س جىلدامدىقپەن سوعادى دەپ بولجانۋدا. ەلامان قوڭىر. دەرەك: «قازگيدرومەت». سۋرەت: mail.ru.