اقمولا وبلىسى اكىمدىگىندە ءوڭىر اكىمى مارات احمەتجانوۆتىڭ توراعالىعىمەن «وقجەتپەس» فۋتبول كلۋبىنىڭ قىزمەتىنە قاتىستى جۇمىس كەڭەسى ءوتتى. ءىرى اۋىل شارۋاشىلىعى كاسىپورىندارىنىڭ وكىلدەرى كاسىبي سپورتتى دامىتۋعا بيزنەستىڭ جۇيەلى قاتىسۋ مودەلىن قالىپتاستىرۋ ماسەلەلەرىن تالقىلادى, دەپ حابارلايدى Egemen.kz.
پرەزيدەنتتىڭ كاسىبي سپورتتى كەزەڭ-كەزەڭىمەن كوممەرتسيالاندىرۋ جانە كلۋبتاردىڭ بيۋدجەت قارجىلاندىرۋىنا تاۋەلدىلىگىن ازايتۋ جونىندەگى تاپسىرمالارىن ىسكە اسىرۋ اياسىندا كلۋبتى نەعۇرلىم تۇراقتى قارجىلىق مودەلگە كوشىرۋ ماسەلەلەرى قارالدى.
ويىنشىلارى جاڭارعان «اتىراۋ» كومانداسى «وقجەتپەسپەن» تەڭ وينادى
قورىتىندى بويىنشا «وقجەتپەس» فك قوعامدىق قورىن قۇرۋ جونىندە شەشىم قابىلداندى. قوردىڭ قۇرىلتايشىسى «قازاقستاننىڭ ەڭبەك ەرى» اتاعىنىڭ يەگەرى, «اگروفيرما «رودينا» جشس ديرەكتورى, اقمولا وبلىسىنىڭ قۇرمەتتى ازاماتى, ەلىمىزدىڭ اگرارلىق سەكتورىنىڭ بەدەلدى وكىلدەرىنىڭ ءبىرى يۆان اداموۆيچ ساۋەر بولادى. ول ءوڭىردىڭ اۋىل شارۋاشىلىعى تاۋارىن وندىرۋشىلەرىمەن بىرلەسىپ, اقمولالىق فۋتبولعا جۇيەلى قولداۋ كورسەتەدى.
«وقجەتپەس» فۋتبول كلۋبىنا جاڭا باپكەر تاعايىندالدى
وسىلايشا, «وقجەتپەس» فك وڭىرلىك بيزنەستىڭ قاتىسۋىمەن جاڭا باسقارۋ مودەلىنە كوشەدى, ال وبلىستا كاسىبي سپورتتى بيۋدجەتتەن تىس قارجىلاندىرۋدىڭ جۇيەلى تەتىگى قالىپتاسادى.