اتىراۋ وبلىسىندا 2022-2025 جىلدارى مەملەكەت مەنشىگىنە قايتارىلعان جەر كولەمى 584 مىڭ گەكتاردى قۇرادى. بۇل جەر اۋىل شارۋاشىلىعى ماقساتىندا پايدالانىلادى, دەپ حابارلايدى Egemen.kz.
وبلىستىق اۋىل شارۋاشىلىعى جانە جەر قاتىناستارى باسقارماسىنىڭ ءبولىم باسشىسى نازكەن وتەشوۆانىڭ ايتۋىنشا, اۋىل شارۋاشىلىعى ماقساتىنداعى جەر جالپىۇلتتىق ءىس-شارالار جوسپارىنىڭ 37-تارماعى اياسىندا قايتارىلعان.
«بىلتىر جالپى اۋماعى 61,6 مىڭ گەكتاردى قۇرايتىن 106 جەر ۋچاسكەسى مەملەكەتكە وتكىزىلدى. ونىڭ 55,3 مىڭ گەكتارى – جايىلىمدىق, 2,2 مىڭ گەكتارى – ەگىستىك القاپ. اۋىل شارۋاشىلىعى سالاسىنداعى وزگە ماقساتتا پايدالانىلاتىن جەر تەلىمى 4,1 مىڭ گەكتاردى قۇرادى. بيىل يگەرىلمەي جاتقان مىڭ گەكتار جەردى مەملەكەت مەنشىگىنە قايتارۋ كوزدەلىپ وتىر», دەيدى نازكەن وتەشوۆا.
پاۆلوداردا قۇنى 100 ملن تەڭگە تۇراتىن جەر مەملەكەتكە قايتارىلدى