استانا. 13 مامىر. اتۋ جازاسىنا كەسىلگەن كورەيا حالىقتىق دەموكراتيالىق رەسپۋبليكاسىنىڭ (كحدر) تاعى ءبىر شەنەۋنىگىنە قاتىستى ۇكىم جۇزەگە استى. بۇل تۋرالى ريا «نوۆوستي» حابارلادى.
كحدر حالىقتىق قارۋلى كۇشتەر ءمينيسترى حەن ەن چحولگە وتانىن ساتتى دەگەن ايىپ تاعىلعان. سەبەبى, ول اسكەري شارا كەزىندە قالعىپ كەتىپ, مەملەكەت باسشىسى كيم چەن ىننىڭ بۇيرىعىن ورىنداي الماعان. ناتيجەسىندە كوپشىلىكتىڭ الدىندا زەنيتتىك قارۋمەن اتىپ ءولتىرىلدى. جاپونيانىڭ كيودو اگەنتتىگى تاراتقان مالىمەتكە سۇيەنسەك, ءولىم جازاسى 30 ساۋىردە بولعان.
حەن ەن چحول بۇل قىزمەتكە 2014 جىلدىڭ ماۋسىم ايىندا تاعايىندالعان. 2012 جىلدىڭ شىلدە ايىنان 2013 جىلدىڭ مامىرىنا دەيىن سولتۇستىك كورەيانىڭ باس شتابىن باسقاردى. اتالعان قىزمەتكە كحدر كوشباسشىسى كيم چەن ىننىڭ ەڭ سەنىمدى ادامدارىنىڭ ءبىرى, ۆيتسە-مارشال لي ەن حو وتستاۆكاعا كەتكەننەن كەيىن تاعايىندالعان بولاتىن.
كحدر قارۋلى كۇشتەرىنىڭ جەتەكشىسىن باس قولباسشى كيم چەن ىن تىكەلەي باسشىلىق جاسايتىن مەملەكەتتىك قورعانىس كوميتەتى تاعايىندايدى. حالىقتىق قارۋلى كۇشتەر مينيسترلىگى اتالعان كوميتەتكە باعىنادى.
ەلامان قوڭىر.
دەرەك, سۋرەت: ريا «نوۆوستي».