الماتى وبلىسىندا «ىلە» وقۋ-جاتتىعۋ ورتالىعىنىڭ بازاسىندا «دالا قىرانى – 2015» كوماندالىق-شتابتىق وقۋ-جاتتىعۋىنىڭ 2-كەزەڭى قورىتىندىلاندى.
شەتەلدىك وكىلدەر شەتەل مەملەكەتتەرىنىڭ اسكەري قىزمەتشىلەرىمەن بىرلەسكەن وپەراتسيالاردى جۇرگىزۋ كەزىندە ءىس-قيمىلداردىڭ ۇيلەسىمدىلىگىن, قازاقستاندىق ءبىتىمگەرشىلەردىڭ دايىندىعىنىڭ جوعارى دەڭگەيىن اتاپ ءوتتى.
قازبريگ, قازبات-1 جانە قازبات-2 اسكەري قىزمەتشىلەرى ءبىرىنشى اپتادا سيمۋلياتورلاردا شەشىم قابىلداۋ اسكەري ۇدەرىسىن وقىپ-ۇيرەندى. بىتىمگەرشىلىك وپەراتسيالارعا وقىپ-ۇيرەتۋ ءۇشىن كو-
ماندالىق-شتابتىق وقۋ-جاتتىعۋلاردىڭ بەلسەندى فازاسى JCATS كومپيۋتەرلىك باعدارلاماسى قولدانىلا وتىرىپ سۇيەمەلدەندى. ودان باسقا, قازبريگ پەن قازبات-2 شتابتارى حالىقارالىق قاتىسۋشىلارمەن كۇشەيتىلدى.
ەكىنشى كەزەڭدە جەتى مەملەكەتتىڭ اسكەري قىزمەتشىسى قاتىستى. اتاپ ايتقاندا, امەريكا قۇراما شتاتتارى, ۇلىبريتانيا, اۋعانستان, نەپال, قىرعىز رەسپۋبليكاسى, تاجىكستان رەسپۋبليكاسى جانە تۇركيا. اۋعانستان, نەپال جانە تۇركيا اسكەري قىزمەتشىلەرى بۇل وقۋ-جاتتىعۋعا العاش رەت قاتىسىپ وتىرعانىن ايتا كەتۋ قاجەت.
وقۋ-جاتتىعۋ بارىسىندا بۇۇ-نىڭ ءبىتىمگەرشىلىك وپەراتسيالارىن وتكىزۋ بارىسىندا قازبريگ جانە قازبات شتابى جۇمىسىنىڭ پراكتيكالىق داعدىلارى جەتىلدىرىلدى, اسكەري-ازاماتتىق ءوزارا ءىس-قيمىل, تاراتۋ, كۇرەسكە قارسى تاراپتاردى قارۋسىزداندىرۋ جانە ىمىراعا كەلتىرۋ جونىندەگى ءىس-شارالاردى جوسپارلاۋ كەزىندە ءبولىمشەلەردى باسقارۋ جانە باقىلاۋدا ماشىقتارى ارتتىرىلدى. ودان باسقا, «بەيبىتشىلىك ءۇشىن سەرىكتەستىك» باعدارلاماسىنىڭ قاتىسۋشى ەلدەرىمەن قازاقستاندىق بىتىمگەرشىلىك بريگاداسىنىڭ جەدەل ۇيلەسىمدىلىگى شىڭدالدى.
«ەگەمەن-اقپارات».