بۇگىن ۇكىمەتتىڭ كەڭەيتىلگەن وتىرىسىندا مەملەكەت باسشىسى مۇناي سالاسىنداعى كۇردەلى احۋالعا توقتالماي كەتۋگە بولمايتىنىن اتاپ ءوتتى, دەپ حابارلايدى Egemen.kz.
پرەزيدەنتتىڭ ايتۋىنشا, قازاقستاندا جىلىنا شامامەن 100 ملن توننا مۇناي وندىرىلەدى, بىراق ەلىمىزدە سونىڭ تەك 18 ملن تونناسى عانا قايتا وڭدەلەدى. سونىڭ سالدارىنان ءبىز مۇناي ءوندىرۋشى ەل بولساق تا, جىل وتكەن سايىن ديزەل وتىنى بويىنشا تاپشىلىق پايدا بولىپ جاتىر, اۆياتسيالىق كەروسين بويىنشا دا يمپورتقا تاۋەلدى بولىپ وتىرمىز.
«سوندىقتان وتىنعا دەگەن سۇرانىستىڭ جوعارى ەكەنىن ەسكەرە وتىرىپ, ەلىمىزدە جۇمىس ىستەپ تۇرعان مۇناي وڭدەۋ زاۋىتتارىن جاڭعىرتۋ كەرەك. بۇل جۇمىستى جەدەل ورىنداۋ قاجەت. اتالعان قادام ءبىر جىلدا وڭدەلەتىن مۇناي كولەمىن 9 ملن تونناعا ارتتىرۋعا مۇمكىندىك بەرەدى (18,4 ميلليون توننادان 27,4 ملن تونناعا دەيىن). بۇل – مينيسترلىكتىڭ مالىمەتى», دەدى پرەزيدەنت.
مەملەكەت باسشىسىنىڭ سوزىنشە, ۇكىمەت جاڭا مۇناي وڭدەۋ زاۋىتىنىڭ قۇرىلىسىنا قاتىستى بايىپتى شەشىم قابىلداۋى قاجەت. ەڭ الدىمەن, مۇناي وڭدەۋ زاۋىتىنا شيكىزات قايدان جەتكىزىلەتىنىن, قانداي ءونىمدى جانە قانشا كولەمدە وندىرەتىنىن دۇرىس ەسەپتەۋ كەرەك.
«بۇل جوبانى ىسكە اسىرۋعا (ەگەر جۇزەگە اسسا) جەكە ينۆەستور تارتۋ كەرەك بولادى. بۇگىندە مۇنداي ءىرى جوبانى تەك مەملەكەت قارجىسىنا سالۋ وتە ءتيىمسىز», دەدى قاسىم-جومارت توقاەۆ.
ساقتاندىرۋ جانە قور نارىعىن دامىتۋدىڭ باعدارلاماسى ازىرلەنەدى
مەملەكەت باسشىسى ءوز سوزىندە, قاجەتتى جاعداي بولسا دا, وسى كەزگە دەيىن ەلىمىزدە مۇناي-گاز حيمياسى ءوز الدىنا جەكە سالا بولىپ قالىپتاسپاعانىن ايتتى.
«مەنىڭ تاپسىرماممەن پوليەتيلەن, بۋتاديەن, كارباميد جانە باسقا دا ونىمدەر شىعارىپ, وسى سالانى جاڭا دەڭگەيگە كوتەرەتىن بىرقاتار جوبالار ىسكە قوسىلدى. ۇكىمەت بۇل جوبالاردى ۋاقتىلى اياقتاۋعا ءتيىس.
وسىنداي مۇناي-گاز حيمياسى سالاسىنداعى ءىرى جوبالاردى ىسكە اسىرۋ ارقىلى ەلىمىزدىڭ نەگىزگى حيميا ونىمدەرىنە (پوليەتيلەن, پوليپروپيلەن) دەگەن سۇرانىسىن وتەيمىز», دەدى پرەزيدەنت.
قاسىم-جومارت توقاەۆتىڭ ايتۋىنشا, وزىمىزدە شىعارىلاتىن پوليمەردى بارىنشا وڭدەۋ ءىسى جولعا قويىلماعان. بۇل ماتەريالدان اۆتوبولشەكتەر, تامشىلاپ سۋارۋعا قاجەتتى قۇرالدار, مەديتسينالىق جابدىقتار, ىدىس-اياق جانە باسقا دا كوپتەگەن ءونىم شىعارۋعا بولادى.
«بۇل ورايدا شاعىن جانە ورتا بيزنەسكە قولداۋ كورسەتۋ كەرەك. سونىڭ ىشىندە ليزينگپەن قۇرال-جابدىق, جەڭىلدىكپەن نەسيە بەرۋ قاجەت. بۇل قادام ازىق-ت ۇلىكتەن وزگە ونىمدەردىڭ باعاسىن تومەندەتۋگە زور مۇمكىندىك بەرەدى», دەدى پرەزيدەنت.
پرەزيدەنت مەملەكەت پەن جەكە سەرىكتەستىكتى بەلسەندى پايدالانۋدى تاپسىردى
پرەزيدەنت اتاپ وتكەندەي, مۇناي-گاز حيمياسى جانە باسقا دا نەگىزگى سالالارداعى وڭدەۋ ونەركاسىبىن دامىتۋ ءۇشىن رەسۋرستار قورىن تولىقتىرۋ وتە ماڭىزدى.
«قازىر ۇكىمەت تىكەلەي مەملەكەتتىك ينۆەستيتسياعا ءۇمىت ارتىپ وتىر. الداعى ءۇش جىلدا بيۋدجەتتەن گەولوگيالىق بارلاۋ جۇمىستارىنا 500 ميلليون دوللارعا جۋىق قارجى ءبولۋ جوسپارلانعان. بۇل وتكەن وتىز جىلدا جۇمسالعان قاراجاتپەن تەڭ. بۇل, ارينە, دۇرىس, بىراق ءبارىبىر جەتكىلىكسىز.
گەولوگيا سالاسىن دامىتۋعا جەكە كاپيتال تارتۋ ۇكىمەتتىڭ اسا ماڭىزدى مىندەتى بولىپ قالا بەرەدى. ونسىز گەولوگيالىق بارلاۋ جۇمىستارى ءاردايىم قازىنادان بولىنەتىن قارجىعا تاۋەلدى بيۋدجەتتىك جوبا بولىپ قالۋى مۇمكىن», دەدى مەملەكەت باسشىسى.
قاسىم-جومارت توقاەۆ: الاتاۋ قالاسى جاڭا ينۆەستيتسيالىق كەزەڭنىڭ نەگىزگى جوباسى بولۋعا ءتيىس