اتىراۋ. 13 تامىز. اتىراۋ وبلىسىنىڭ قۇرمانعازى اۋداندىق سوتى 6 جاسار قىز بالانى الداپ, ازعىندىق ارەكەت جاساعان 30 جاستاعى تۇرعىنعا قاتىستى قىلمىستىق ءىستى قارادى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
«قىلمىستىق ءىس ماتەريالدارىندا انىقتالعانداي, ناپسىقۇمار بۇلدىرشىنگە بالمۇزداق پەن ساعىز الىپ بەرىپ, تانىسىنىڭ ءۇيىنىڭ اۋلاسىندا ورنالاسقان اجەتحاناعا الداپ كىرگىزگەن. سول جەردە ءسابيدىڭ قورعانسىزدىعىن پايدالانىپ, ارام ويىن جۇزەگە اسىرعان. سوتتا پەدوفيل ءوز كىناسىن تولىقتاي مويىندادى. وعان قىلمىستىق كودەكستىڭ 124-بابى 1-بولىگىمەن (كورىنەۋ جاس بالاعا قاتىستى كۇش قولدانباي ازعىندىق ارەكەتتەر جاساۋ) ايىپ تاعىلىپ, 8 جىلعا باس بوستاندىعىنان ايىرۋ جازاسى تاعايىندالدى. ازعىن پەدوفيل جازاسىن جالپى رەجىمدەگى كولونيادا وتەيتىن بولادى», – دەپ ءمالىم ەتتى وبلىستىق سوتتىڭ ءباسپاسوز حاتشىسى بورانباي عاليەۆ.
سوت ۇكىمى زاڭدى كۇشىنە ەنگەن جوق.
جولداسبەك شوپەعۇل.
دەرەك, سۋرەت: اتىراۋ وبلىستىق سوتىنىڭ ءباسپاسوز قىزمەتى.