قارجىلىق مونيتورينگ اگەنتتىگى (قما) «اكتيۆ لومبارد» ءىسى بويىنشا تەرگەۋدىڭ اياقتالعانىن مالىمدەدى. تەرگەۋ بارىسىندا سەرگەي كوينوۆ پەن وعان قاتىسى بار بىرقاتار تۇلعالارعا زاڭسىز كاسىپكەرلىك جانە قىلمىستىق جولمەن الىنعان كىرىستەردى زاڭداستىرۋ كۇدىگى تاعىلىپ وتىر, دەپ حابارلايدى Egemen.kz.
ۆەدومستۆونىڭ مالىمەتىنشە, 2025 جىلدىڭ قىركۇيەگىندە كوميسسيوندىق دۇكەن رەتىندە جاسىرىنعان ءىرى لومباردتار جەلىسى ارقىلى زاڭسىز ميكروكرەديت بەرۋ سحەماسى اشكەرەلەنگەن.
زاڭسىز ميكرونەسيە بەرۋ سحەماسى انىقتالدىتەرگەۋ دەرەگىنە سايكەس, «اكتيۆ لومبارد» جەلىسىنىڭ يەسى سەرگەي كوينوۆ جەكە تۇلعالارعا كوميسسيوندىق قىزمەت كورسەتكەندەي ەتىپ, شىن مانىندە ميكرونەسيەلەر بەرگەن. قىزمەتتىڭ زاڭدى كورىنۋى ءۇشىن ول وزىنە تيەسىلى «اكتيۆ لومبارد» جشس-ءىن, سونداي-اق سەنىمدى تۇلعالار اتىنا تىركەلگەن بىرنەشە سەرىكتەس كومپانيانى پايدالانعان. اتاپ ايتقاندا:
«One Billion Sales» جشس; «The Best Seller» جشس; «Shark in Sales» جشس.اتالعان ۇيىمدار «اكتيۆ ماركەت» بىرىڭعاي برەندىمەن جۇمىس ىستەپ, م ۇلىكتى كەپىلگە الا وتىرىپ, شامادان تىس جوعارى پايىزبەن ميكرونەسيەلەر بەرگەن. كوميسسيوندىق بولىمشەلەر «اكتيۆ لومبارد» فيليالدارىمەن ءبىر عيماراتتا ورنالاسىپ, كليەنتتەرگە ءبىر قىزمەتكەرلەر قىزمەت كورسەتكەن.
اقتوبەدە زەرگەر تۇتىنۋشىلاردىڭ بۇيىمدارىن لومباردقا وتكىزىپ جىبەرگەن
ميلليونداعان كەلىسىمشارت جانە كىرىسقما مالىمەتىنشە, كليەنتتەرمەن جاسالعان كوميسسيالىق شارتتار جالعان ءارى فورمالدى سيپاتتا بولعان. ورتاشا سىياقى مولشەرلەمەسى تاۋلىگىنە 1,73-2,07% قۇراعان, بۇل زاڭدا بەلگىلەنگەن شەكتى مولشەردەن (0,3%) شامامەن بەس ەسە جوعارى. ناتيجەسىندە 1,9 ميلليوننان استام كەلىسىمشارت جاسالعان جانە قىلمىستىق جولمەن الىنعان تابىس 19 ملرد تەڭگەدەن اسقان.
كىرىستەردى زاڭداستىرۋ تەتىگى اشكەرەلەندىتەرگەۋ نۇسقاسى بويىنشا, كوينوۆ تابىستىڭ شىعۋ كوزىن جاسىرۋ ءۇشىن كوپدەڭگەيلى زاڭداستىرۋ سحەماسىن قولدانعان. ول كومپانيالارمەن جالعان كەلىسىمشارتتار جاساپ, قاراجاتتى بىرنەشە بانك شوتى ارقىلى اينالدىرىپ, كەيىن 5 ملرد تەڭگەدەن استام سومانى ديۆيدەند رەتىندە شىعارعان.
سونىمەن قاتار كوينوۆ «Zeus Co» جشس-ءىن تىركەپ, باعدارلامالىق قامتاماسىز ەتۋ قىزمەتى كورسەتىلگەندەي ەتىپ, باعاسى قولدان وسىرىلگەن كەلىسىمدەر جاساعان. سونىڭ ناتيجەسىندە كومپانيا شوتىنا 2,5 ملرد تەڭگە تۇسكەن, ونىڭ 2,2 ملرد تەڭگەسى كوينوۆقا ديۆيدەند رەتىندە اۋدارىلعان.
سوت سانكتسياسىمەن جالپى قۇنى 8,9 ملرد تەڭگەنى قۇرايتىن م ۇلىككە تىيىم سالىندى. ونىڭ ىشىندە:
استاناداعى 4 پاتەر مەن 2 تۇرعىن ءۇي; ءباا-دەگى 4 اپارتامەنت; 6 قىمبات اۆتوكولىك (Lexus LX 600, Rolls Royce Cullinan, Mercedes-Benz G63, Bentley Bentayga V8, Range Rover Sport); بانكتىك دەپوزيتتەردەگى 2,7 ملرد تەڭگە.سەرگەي كوينوۆ قاماۋعا الىندى. تاعى ءتورت ادامعا قاتىستى ەلدەن شىقپاۋ تۋرالى قولحات تۇرىندەگى بۇلتارتپاۋ شاراسى تاڭدالعان.
لومباردتان العان قارىز نەسيە تاريحىنا اسەر ەتەتىنى راس پا؟
بۇعان دەيىن اگەنتتىك «اكتيۆ ماركەت» ءىسى بويىنشا جابىرلەنۋشىلەرگە پايىز تولەمەۋگە بولاتىنىن, بۇل ءۇشىن قما-عا جۇگىنۋ قاجەت ەكەنىن حابارلاعان.