تۇركىستاندا تاەكۆوندودان (WT) جاستار اراسىندا قازاقستان چەمپيوناتى ءوتتى. ءتورت كۇنگە سوزىلعان بايراقتى باسەكەدە ەل ۇزدىكتەرى انىقتالىپ, 2026 جىلعى سپورت ماۋسىمىنا قازاقستان جاستار قۇراماسى جاساقتالدى. جارىسقا استانا, الماتى جانە شىمكەنت قالاسى مەن ەلىمىزدىڭ 17 وبلىسىنان 709 جاس تاەكۆوندوشى قاتىستى, دەپ حابارلايدى Egemen.kz.
ناتيجەسىندە جالپى مەدال كەستەسىندە الماتى قالاسى كوش باستادى. تۇركىستان وبلىسىنىڭ قۇراماسى ەكىنشى ورىنعا جايعاسسا, جامبىل وبلىسى ۇزدىك ۇشتىكتى تۇيىندەدى.
سونداي-اق ءار سالماق دارەجەسىندە چەمپيون اتانعان سپورتشىلار ءساۋىر ايىندا تاشكەنتتە وتەتىن جاستار اراسىنداعى الەم چەمپيوناتىنا جولداما الدى.
تاەكۆوندوشى باتىرحان تولەۋعالي U21 ساناتىندا الەم چەمپيونى بولدى
2026 جىلعى جاستار اراسىنداعى ەل چەمپيوناتىنىڭ جەڭىمپازدارى كەلەسىدەي:
ۇلدار:
-45 كگ: ساعي ءمادي ۇلى (الماتى قالاسى);
-68 كگ: اليدار ابدۋكاريموۆ (الماتى قالاسى);
-48 كگ: ەراسىل ەرزات (جامبىل وبلىسى);
-59 كگ: نۇرالي ماحمۇت (الماتى قالاسى);
-51 كگ: ادىلەت شەرى (الماتى قالاسى);
-63 كگ: مۋحامەدالي ماحمۋت (الماتى قالاسى);
-78 كگ: بەكزات عازيز (تۇركىستان وبلىسى);
-55 كگ: يسلام مەدەتباي (قىزىلوردا وبلىسى);
-73 كگ: جانايبەك شامۋراتوۆ (اتىراۋ وبلىسى);
+78 كگ: اماناي قۇرالباەۆ (تۇركىستان وبلىسى).
قىزدار:
-42 كگ: شاحريزودا اكراموۆا (تۇركىستان وبلىسى);
-59 كگ: ەۆەلينا ابدراسۋلوۆا (الماتى قالاسى);
+68 كگ: سابينا تۋرتۋلوۆا (پاۆلودار وبلىسى);
-44 كگ: ايىم سەرىكباەۆا (استانا قالاسى);
-52 كگ: شەرالى ەلەانورا (استانا قالاسى);
-68 كگ: بالگەرىم وتەگەن (تۇركىستان وبلىسى);
-46 كگ: سۇلۋ ابيبۋللا (تۇركىستان وبلىسى);
-55 كگ: نۇرايلىم باقىتجانقىزى (اتىراۋ وبلىسى).
چەمپيوناتقا بارلىعى 28 تورەشى تورەلىك ەتتى. دودانىڭ ءادىل ءوتۋى ماقساتىندا شەتەلدەن دە حالىقارالىق دارەجەدەگى تورەشىلەر شاقىرتىلعان. اتاپ ايتساق, 8 شەتەلدىك حالىقارالىق دارەجەدەگى تورەشى, 11 وتاندىق حالىقارالىق دارەجەدەگى, 4 ۇلتتىق دارەجەدەگى, سونداي-اق 4 ءى دارەجەدەگى جانە 1 سپورت تورەشىسى قىزمەت اتقاردى.
شەتەلدىك تاجىريبەلى تورەشىلەر يندونەزيا, تايلاند, كۋۆەيت, وڭتۇستىك كورەيا جانە ساۋد ارابياسى ەلدەرىنەن كەلگەن.
قىسقى وليمپيادا: بۇگىن جارىس جولىنا كىمدەر شىعادى؟