اقتوبە وبلىسىنىڭ بايعانين جانە مارتوك اۋداندارىندا جاڭا ءورت ءسوندىرۋ بولىمدەرى اشىلدى, سونداي-اق حرومتاۋ اۋدانىندا كۇردەلى جوندەۋدەن وتكەن ءورت ءسوندىرۋ بولىمشەسى پايدالانۋعا بەرىلدى. سالتاناتتى راسىمدە توتەنشە جاعدايلار ءمينيسترى شىڭعىس ءارىنوۆ پەن اقتوبە وبلىسىنىڭ اكىمى اسحات شاحاروۆ قۇتقارۋشىلارعا جاڭا كولىك قۇرالدارىنىڭ كىلتتەرىن تابىستادى, دەپ حابارلايدى Egemen.kz.
اۋماعى ۇلكەن, ەلدى مەكەندەرى ءبىر-بىرىنەن وتە قاشىق ورنالاسقان بايعانين اۋدانىندا زاماناۋي ءورت ءسوندىرۋ ءبولىمىنىڭ اشىلۋىن تۇرعىندار ەرەكشە قۋانىشپەن قابىلدادى. وسى كەزگە دەيىن ءورت سوندىرۋشىلەر 1968 جىلى سالىنعان ەسكى عيماراتتا جۇمىس ىستەپ كەلگەن بولاتىن. ال, جاڭا كەشەندە كولىكتەرگە ارنالعان گاراج, ديسپەتچەرلەر بولمەسى, اسحانا, وقۋ-دايارلىق سىنىپتارى, گاز-تۇتىننەن قورعاۋ بەكەتى, سپورت زالى, فۋتبول جانە workout الاڭدارى ورنالاسقان. اشىلۋ راسىمىندە بايعانيندىك قۇتقارۋشىلارعا جەدەل-قۇتقارۋ كولىكتەرى مەن مامانداندىرىلعان جۇك-جولاۋشى كولىگى تابىستالدى.
باياناۋىل ۇلتتىق پاركىنە جاڭا ءورت ءسوندىرۋ تەحنيكالارى بەرىلدى
تارباعاتايدا جاڭا ءورت ءسوندىرۋ بەكەتى اشىلادى
مارتوك اۋدانىنىڭ ورتالىعى مارتوك اۋىلىنداعى جاڭا عيمارات شامامەن 30 مىڭ تۇرعىنى بار 13 اۋىلدىق وكرۋگ پەن 32 ەلدى مەكەننىڭ ءورت قاۋىپسىزدىگىن قامتاماسىز ەتەدى. جاڭا كەشەندە ءورت ءسوندىرۋ, قۇتقارۋ تەحنيكاسىنا ارنالعان بوكستار, ديسپەتچەرلىك جۇيە, گاز-تۇتىننەن قورعاۋ قىزمەتى, قويما, دەمالىس بولمەسى جانە سپورتزال بار.
ءورت ءسوندىرۋ بەكەتتەرىنىڭ سانى ارتتى