ەجەلگى گرەكتەر الىس جەرگە حابار جەتكىزۋ ءۇشىن سۋ تەلەگرافى دەپ اتالاتىن ءتاسىلدى قولدانعان. بۇل – جارىق بەلگىسى مەن سۋ دەڭگەيىنە نەگىزدەلگەن ەرەكشە جۇيە.
حابار الماسۋ تۇندە جۇرگىزىلگەن. الدىمەن ءبىر ادام الاۋ جاعىپ كوتەرەدى. قارسى بەتتەگى ادام دا الاۋ جاعىپ, دايىن ەكەنىن بىلدىرەدى. وسىدان كەيىن ءبىرىنشى ادام الاۋىن ءتۇسىرىپ, ىشىنە سۋ تولتىرىلعان, قابىرعاسىنا 24 بەلگى قويىلعان ىدىستىڭ شۇمەگىن اشادى. سۋ بەلگىلى ءبىر بەلگىگە دەيىن تومەندەگەن كەزدە الاۋدى قايتا كوتەرەدى. قارسى جاق تا ءدال وسى ارەكەتتەردى قايتالايدى. سونىڭ ناتيجەسىندە ەكى ىدىستاعى سۋ دەڭگەيى بىردەي بەلگىگە توقتايدى. بۇل – حابار قابىلداندى دەگەن ءسوز. سۋ تەلەگرافى ارقىلى كەز كەلگەن ءماتىندى جىبەرۋگە مۇمكىندىك بولعان.