تۇركىستان وبلىسىندا شالعايداعى اۋىلدار تابيعي گازعا قوسىلدى

قازىرگى تاڭدا سارىاعاش اۋدانىنا قاراستى 63 ەلدى مەكەننىڭ 55-ءى تابيعي گازبەن قامتىلىپ, جالپى كورسەتكىشتىڭ 87,3%-ىن قۇراپ وتىر. سونىمەن قاتار 3 اۋىلدى گازبەن قامتۋ باعىتىندا قۇرىلىس جۇمىستارى جۇرگىزىلىپ جاتىر. ال 5 ەلدى مەكەن بويىنشا جوبالاۋ-سمەتالىق قۇجاتتامالار ازىرلەنۋ ۇستىندە.

ءبىر جىل ىشىندە 123 ەلدى مەكەن تابيعي گازبەن قامتىلدى

ايتا كەتەيىك, ەلىمىزدەگى جىلىجايلاردىڭ 70%-ى ورنالاسقان اۋداننىڭ جالپى وڭىرلىك ءونىم كولەمى بىلتىر 385,8 ملرد تەڭگەنى قۇراعان. ال اۋىل شارۋاشىلىعى سالاسىنداعى ءونىم كولەمى جىل قورىتىندىسىمەن 137,2 ملرد تەڭگەگە جەتسە, ونەركاسىپ ءونىمىنىڭ كولەمى 30,5 ملرد تەڭگە كولەمىندە. سونداي-اق نەگىزگى كاپيتالعا 82,1 ملرد تەڭگە ينۆەستيتسيا تارتىلعان.

«بۇگىندە اۋدان بويىنشا جىلىجاي كولەمى – 807,2 گەكتار. وتكەن جىلى اۋداندا قۇس فابريكاسىن كەڭەيتۋ مەن 4,3 گەكتار ليمون وسىرۋگە ارنالعان جىلىجاي كەشەنى مەن جەمىس قويماسى جوباسى جۇزەگە استى. سونىمەن قاتار مال سويۋ جانە ەكسپورتقا ەت دايىنداۋ ورنى مەن 1 000 باسقا ارنالعان مال بورداقىلاۋ كەشەنى قۇرىلدى. ال 2026 جىلى اۋىل شارۋاشىلىعى سالاسىندا 5 000 باستىق مال بورداقىلاۋ الاڭى مەن 1 000 باس ءىرى قارا مال بورداقىلاۋ الاڭى جۇزەگە اسىرىلادى. بۇدان بولەك, وسىمدىك مايىن وندىرەتىن جانە قۇراما جەم دايىنداۋ تسەحى اشىلادى», دەيدى سارىاعاش اۋدانىنىڭ اكىمى ارمان ابدۋللاەۆ.

سونداي-اق بيىل اۋداندا جالپى قۇنى 7,5 ملرد تەڭگە بولاتىن مينەرالدى سۋ قۇيۋ زاۋىتى, قىش شىعارۋ جانە كۇنباعىس مايىن وڭدەۋ تسەحى, شاعىن سۋ ەلەكتر ستانساسى سالىنباق.

استانادا تاعى ءبىر گاز جىلۋ ستانتسياسىنىڭ قۇرىلىسى باستالدى

تۇركىستان وبلىسى