مەملەكەت باسشىسى پاكىستان پرەزيدەنتى اسيف الي زارداريمەن كەلىسسوز جۇرگىزدى

پرەزيدەنت وتىز جىلدان استام ۋاقىت ىشىندە قازاقستان مەن پاكىستان مازمۇندى ساياسي ديالوگ ءوربىتىپ, ءتۇرلى سالادا ەكىجاقتى ىنتىماقتاستىقتى دايەكتى تۇردە نىعايتىپ كەلە جاتقانىنا توقتالدى.

قاسىم-جومارت توقاەۆتىڭ پىكىرىنشە, قازاقستان – جەر اۋماعى مەن ەكونوميكالىق الەۋەتى تۇرعىسىنان ورتالىق ازياداعى ەڭ ءىرى ەل. ال پاكىستان وڭتۇستىك ازيا, ورتالىق ازيا, سونداي-اق تاياۋ شىعىس تۇيىسكەن تۇستا ءتيىمدى ورنالاسقان. بۇل – ۇزاق مەرزىمدى ستراتەگيالىق ماقساتتارعا قول جەتكىزۋگە ىقپال ەتەتىن ماڭىزدى گەوساياسي ارتىقشىلىق.

مەملەكەت باسشىسى پرەمەر-مينيستر شاحباز شاريفپەن جۇرگىزگەن كەلىسسوزدەر ناتيجەسىندە استانا مەن يسلاماباد اراسىنداعى قارىم-قاتىناستى جاڭا ستراتەگيالىق دەڭگەيگە كوتەرۋ جونىندەگى بىرلەسكەن دەكلاراتسياعا قول قويىلعانىن اتاپ ءوتتى. بۇل قادام باۋىرلاستىق بايلانىستاردى تولىق ايقىنداپ, ەكى ەلدىڭ بارلىق باعىت بويىنشا ىقپالداستىقتى ۇدايى كەڭەيتۋگە بەيىل ەكەنىن بايقاتادى.

قازاقستان مەن پاكىستان اراسىندا 200 ملن دوللارعا جۋىق كەلىسىم جاسالدى

اسيف الي زارداري ەكى ەل اراسىنداعى ىنتىماقتاستىقتىڭ دامۋ دەڭگەيىن جوعارى باعالاپ, پاكىستان تاراپىنىڭ ءوزارا ءتيىمدى ىقپالداستىقتى ودان ءارى نىعايتۋعا نيەتتى ەكەنىن راستادى.

تاراپتار ەكىجاقتى كۇن ءتارتىبىنىڭ وزەكتى ماسەلەلەرى جونىندە پىكىر الماسىپ, ۇزاق مەرزىمدى قارىم-قاتىناستى كەڭەيتۋدىڭ جاڭا باعىتتارىن بەلگىلەدى.

قاسىم-جومارت توقاەۆ ساپار قورىتىندىسى قوس حالىقتىڭ وركەندەۋى جولىندا قازاقستان مەن پاكىستان اراسىنداعى سەرىكتەستىككە تىڭ سەرپىن بەرەتىنىنە سەنىم ءبىلدىردى.

مەملەكەت باسشىسى: پاكىستان – قازاقستاننىڭ وڭتۇستىك ازياداعى سەنىمدى ءارى ماڭىزدى سەرىكتەسى

ايتا كەتەيىك, مەملەكەت باسشىسى 3 اقپان كۇنى پاكىستان يسلام رەسپۋبليكاسىنا مەملەكەتتىك ساپارمەن باردى. پاكىستان پرەمەر-ءمينيسترىنىڭ رەزيدەنتسياسىندا پرەزيدەنت قاسىم-جومارت توقاەۆتى رەسمي قارسى الۋ ءراسىمى وتتى. مەملەكەت باسشىسىن پاكىستان پرەمەر-ءمينيسترى شاحباز شاريف كۇتىپ الدى. بۇگىن, 4 اقپاندا مەملەكەت باسشىسى پاكىستان پرەمەر-مينيسترىمەن كەڭەيتىلگەن قۇرامدا كەلىسسوز جۇرگىزدى.