اۋىل شارۋاشىلىعى سالاسىنا بىلىكتى كادر دايارلاۋ ءىسى جۇيەلى وزگەرىستەردى تالاپ ەتەدى. ءماجىلىس دەپۋتاتى اسىلبەك نۇرالين اگروتەحنيكالىق كوللەدجدەردىڭ قازىرگى احۋالىنا قاتىستى دەپۋتاتتىق ساۋال جولداپ, ماتەريالدىق-تەحنيكالىق بازانىڭ السىزدىگى مەن وقىتۋدىڭ فورمالدى سيپاتىن سىنعا الدى, دەپ جازادى Egemen.kz.
دەپۋتاتتىڭ ايتۋىنشا, بىرقاتار اگروتەحنيكالىق كوللەدجدەردە قولدانىلىپ جۇرگەن تەحنيكا ابدەن ەسكىرگەن, ال وندىرىستىك شەبەرحانالاردىڭ جابدىقتالۋ دەڭگەيى زامان تالابىنا ساي ەمەس. بۇل جاعداي اگروونەركاسىپ كەشەنىنە قاجەتتى مامانداردى ساپالى دايارلاۋعا كەدەرگى كەلتىرەدى.
«قازىرگى ءوندىرىس تسيفرلىق جانە ينتەللەكتۋالدىق جۇيەلەرمەن جۇمىس ىستەي الاتىن, كاسىبي دايارلىعى جوعارى مامانداردى قاجەت ەتەدى. مۇنداي جاعدايدا وقىتۋعا فورمالدى تۇردە قاراۋعا جول بەرۋگە بولمايدى», دەدى دەپۋتات.
اگروسالانى دامىتۋدىڭ كەشەندى جوسپارى
وسىعان بايلانىستى اسىلبەك نۇرالين اگروتەحنيكالىق ءبىلىم بەرۋ جۇيەسىندە اقىلى دۋالدى وقىتۋدى ەنگىزۋدى ۇسىندى. ونىڭ ۇلگىسىنە سايكەس, ستۋدەنتتەردىڭ ۋاقىتىنىڭ 60%-ى ناقتى وندىرىستە تاجىريبەدەن وتۋگە, 40%-ى كوللەدج قابىرعاسىنداعى تەوريالىق وقۋعا ءبولىنۋى ءتيىس. مۇنداي ءتاسىل بولاشاق ماماننىڭ ەڭبەك نارىعىنا بەيىمدەلۋىن جەدەلدەتۋگە مۇمكىندىك بەرەدى.
اگروونەركاسىپ كەشەنىن ورىستەتۋدىڭ ماڭىزى
سونداي-اق دەپۋتات كوللەدجدەردى قارجىلاندىرۋ تەتىگىن قايتا قاراۋدى قاجەت دەپ سانايدى. سالالىق ەرەكشەلىكتەر ەسكەرىلىپ, قاراجات ەڭ الدىمەن وقۋ تەحنيكاسىن جاڭارتۋعا, وندىرىستىك بازانى كۇشەيتۋگە جانە پەداگوگتەردىڭ بىلىكتىلىگىن ارتتىرۋعا باعىتتالۋى ءتيىس.
قازاق اگروتەحنيكالىق زەرتتەۋ ۋنيۆەرسيتەتىندە Smart-اۋديتوريا اشىلدى
دەپۋتاتتىق ساۋالدا كوتەرىلگەن بۇل ماسەلەلەر اگروونەركاسىپ كەشەنىنىڭ كادرلىق الەۋەتىن نىعايتۋعا, اۋىل شارۋاشىلىعىنىڭ تەحنولوگيالىق دامۋىنا سەرپىن بەرۋى مۇمكىن.