بۇگىن, 4 اقپاندا اۋا رايىنىڭ قولايسىزدىعىنا بايلانىستى قوستاناي جانە ماڭعىستاۋ وبلىستارىنداعى تاسجولداردا كولىك قوزعالىسىنا شەكتەۋ ەنگىزىلدى, دەپ حابارلايدى Egemen.kz.
«قازاۆتوجول» ۇلتتىق كومپانياسىنىڭ مالىمەتىنشە, جولدارداعى احۋال كەلەسىدەي:
قوستاناي وبلىسىندا
ساعات 14:00-دەن باستاپ «قوستاناي – اۋليەكول – سۇرعان» اۆتوجولىنىڭ 8-108 شاقىرىمى ارالىعىندا (توبىل قالاسىنان اۋليەكول اۋىلىنا دەيىن) قوزعالىس شەكتەلدى. شەكتەۋ جۇك كولىكتەرى مەن قوعامدىق كولىك تۇرلەرىنە قاتىستى.
ماڭعىستاۋ وبلىسىندا
ساعات 14:30-دا اۋا رايىنىڭ ناشارلاۋىنا بايلانىستى «تاۋشىق – شەتپە» اۆتوجولىنىڭ 0-70 شاقىرىم ارالىعىندا بارلىق كولىك تۇرلەرى ءۇشىن قوزعالىس توقتاتىلدى.
قوسىمشا اقپارات الۋ ءۇشىن 1403 بايلانىس ورتالىعىنا تاۋلىك بويى حابارلاسۋعا بولادى.
ەسكە سالا كەتەيىك, بۇگىن رەسپۋبليكالىق ماڭىزى بار اۆتوجولداردىڭ بىرنەشە ۋچاسكەسىندە اۋا رايى كۇرت ناشارلايدى.