الەۋمەتتىك ماڭىزى بار ازىق-ت ۇلىك ساپاسىنا قاتىستى قوعامدا ايتىلعان سىنعا ساۋدا جانە ينتەگراتسيا مينيسترلىگى پىكىر ءبىلدىردى. اتاپ ايتقاندا, ساۋدا ورىندارىنداعى شىرىگەن كوكونىستەر بەينەلەنگەن ۆيدەوعا ۆەدومستۆو وكىلى تۇسىنىك بەردى, دەپ جازادى Egemen.kz.
ساۋدا جانە ينتەگراتسيا مينيسترلىگىنىڭ ۆيتسە-ءمينيسترى جانەل كۋشۋكوۆا اقتوبە قالاسىنداعى ءىرى سۋپەرماركەتتەردە ساتىلىپ جاتقان كارتوپ پەن ءسابىزدىڭ ساپاسىنا قاتىستى پىكىر ءبىلدىردى. قاڭتار ايىنىڭ سوڭىندا قالا تۇرعىندارى الەۋمەتتىك جەلىدە كوكونىستەردىڭ شىرىگەن كۇيدە ساتىلىپ جاتقانىن كورسەتەتىن ۆيدەولار جاريالاعان بولاتىن. ساۋدا جەلىلەرىنىڭ وكىلدەرى سوڭعى ۋاقىتتا تۇتىنۋشىلار تاراپىنان شاعىم كوبەيگەنىن راستادى.
الەۋمەتتىك ماڭىزى بار تاۋارلار – باستى نازاردا
ۆيتسە-ءمينيستردىڭ ايتۋىنشا, اتالعان بەينەماتەريالداردىڭ قاشان تۇسىرىلگەنى دە ماڭىزدى.
«مەن بۇل ماسەلەنى كوردىم, بىراق مۇندا ءبارى وتە سۋبەكتيۆتى. ماتەريالدىڭ قاشان تۇسىرىلگەنىنە قاراۋ كەرەك. ەگەر كەشكى ۋاقىتتا بولسا, ءبارىمىز تۇسىنەمىز, تاڭەرتەڭ ادامدار كەلىپ, جاقسىسىن تاڭداپ الادى. بۇل ماسەلە بويىنشا جۇمىس جۇرگىزىلدى. ەسىمدە, ساۋدا جەلىلەرى تاۋاردى سورەگە شىعارعان كەزدە بەلگىلى ءبىر پايىزدا جارامسىز ءونىم بولاتىنىن ايتقان. ارينە, جاقسىسى الىنىپ كەتەدى, ال كەيىن قالعانى ءتۇسىرىلىپ, جەلىگە جاريالانعان», دەدى جانەل كۇشىكوۆا.
الەۋمەتتىك ماڭىزى بار ازىق-ت ۇلىك ونىمدەرىنىڭ ءتىزىمى كەڭەيدى
ونىڭ ايتۋىنشا, ساۋدا ورىندارىندا ساپاسى تومەن كوكونىستەردى ساتۋعا جول بەرىلمەۋى كەرەك.
«مۇنداي ونىمدەر نە تومەندەتىلگەن باعامەن ساتىلادى, نە تولىقتاي نارىقتان تۇسىرىلەدى», دەپ ناقتىلادى ۆيتسە-مينيستر.
ققس ءوسىمى الەۋمەتتىك ماڭىزى بار ازىق-ت ۇلىك باعاسىنا اسەر ەتتى مە؟
ۆەدومستۆو وكىلىنىڭ سوزىنشە, الەۋمەتتىك ازىق-ت ۇلىك ساپاسىنا قاتىستى باقىلاۋ جۇمىستارى جالعاسىپ, ساۋدا جەلىلەرىمەن ءتۇسىندىرۋ شارالارى جۇرگىزىلىپ جاتىر.