قازىر ەلدەگى جۇمىسسىزدىق دەڭگەيى 5% شاماسىندا. ناقتى جاستار اراسىندا ەكى قولعا ءبىر كۇرەك تاپپاي سەندەلگەندەر 3%-دى قۇرايدى. دەمەك 35-كە دەيىنگى وتانداستارىمىزدى ەڭبەككە ىنتالاندىرۋ, بوس ورىندار جارمەڭكەسىن ۇيىمداستىرۋ ءالى دە وزەكتى, دەپ جازادى Egemen.kz.
ەلوردادا وسى ماقساتتاعى JOLTAP جوباسى جالعاسىپ جاتىر. باستاما مىڭداعان استانالىققا ەڭبەك نارىعىندا سۇرانىسقا يە ماماندىقتاردى تەگىن مەڭگەرۋگە, جۇمىس تابۋعا جانە تابىسىن ارتتىرۋعا مۇمكىندىك بەردى. جوبا تۇلەكتەرىنىڭ ءبىرى, كوپبالالى انا – بالجان وڭعارباەۆا.
JOLTAP-پەن جوبا باستاعاندار كوپ: ەلوردالىق تۇرعىن ءوز تابىسىن قالاي ارتتىردى؟
39 جاستاعى بالجان بۇعان دەيىن كاسىپكەرلىكپەن اينالىسىپ كورمەگەن. استانالىق وتكەن جىلى تامىز ايىندا ونلاين-ساۋدا كۋرسىن وقىپ, ءوزىنىڭ Kaspi-دۇكەنىن ىسكە قوستى. JOLTAP جوباسى تۋرالى ول تانىسىنان ەستىپ, بىردەن «Kaspi-دۇكەندەگى ساۋدا» باعىتىنا جازىلعان.
جۇمىسسىزدىق ازايىپ, ەڭبەك نارىعى كەڭەيىپ كەلەدى
تۇلەكتىڭ ايتۋىنشا, وقۋ بارىسىندا تەك تەوريالىق ءبىلىم عانا ەمەس, سونىمەن قاتار قازىر قولدانىپ جۇرگەن پراكتيكالىق داعدىلاردى مەڭگەرگەن.
«كۋرستا ساپالى ءبىلىم الدىم. باعدارلاماعا ساي, اقپاراتپەن قانىقتىم. كۇن سايىن تاپسىرمالار دا بەرىلدى. سونىڭ اسەرىنەن Kaspi-دۇكەنمەن قالاي جۇمىس ىستەۋ كەرەگىن, تاۋارعا تاپسىرىس بەرۋ, تابىستى دۇرىس ەسەپتەۋ جانە تاۋارلاردى تالداۋ جولدارىن ەگجەي-تەگجەيلى تۇسىنە باستادىم», دەدى بالجان وڭعارباەۆا.
وقۋ بارىسىندا ول ونلاين-ساۋدانىڭ قىر-سىرىن مەڭگەرىپ, كوپ ۇزاماي ساتىلىمدى باستاپ كەتكەن.
«JOLTAP» - ەڭبەككە جول اشقان مۇمكىندىك
«بىزگە تەك ساپالى تاۋارلاردى ساتۋعا كەڭەس بەرىلدى, مەن وسى قاعيدانى ۇستانامىن. سەبەبى Kaspi-دۇكەندە جوعارى رەيتينگتى ساقتاۋ وتە ماڭىزدى. ساتىپ الۋشىلار ەڭ الدىمەن رەيتينگكە نازار اۋدارادى. قازىرگى زاماندا سۇرانىسقا يە داعدىلاردى ۇيرەنۋ ءاردايىم ماڭىزدى. بولاشاقتا JOLTAP باعدارلاماسىنىڭ كۋرستارىنا ۇلىم مەن قىزىمدى دا جازدىرعىم كەلەدى», دەدى استانالىق كاسىپكەر.