جالپىۇلتتىق سوتسيال-دەموكراتيالىق پارتيانىڭ (جسدپ) ورتالىق اپپاراتىندا كونستيتۋتسياسىنىڭ جاڭا جوباسىن تالقىلاۋعا ارنالعان جسدپ ساياسي كەڭەسىنىڭ وتىرىسى ءوتتى. وتىرىس بارىسىندا قاتىسۋشىلار كونستيتۋتسياعا ەنگىزىلەتىن وزگەرىستەر مەن ونداعى ۇسىنىلعان ءتۇرلى جوبالاردىڭ ەلدى دامىتۋعا دەگەن مۇمكىندىگى بارىسىن سارالادى. سونداي-اق, ساياسي جۇيەنىڭ قوعام مەن مەملەكەت اراسىنداعى ىنتىماعى مەن جاڭارتۋداعى ماڭىزدى كەزەڭدەردى قاراستىردى, دەپ حابارلايدى Egemen.kz.
ساياسي كەڭەس مۇشەلەرى اتا زاڭدى تالقىلاۋ قوعامنىڭ جاڭارۋعا جانە قازاقستاننىڭ قازىرگى دامۋ كەزەڭىنە ساي تۇراقتى شەشىمدەر مەن مۇمكىندىكتەردى ىزدەۋگە دەگەن سۇرانىسىن جوعارىلاتقانىن اتاپ ءوتتى.
سونىمەن بىرگە تالقىلاۋعا ارنالعان وتىرىس كەزىندە ۇسىنىلىپ وتىرعان كونستيتۋتسيالىق وزگەرىستەردىڭ لوگيكاسى, مەملەكەتتىك ساياساتتىڭ الەۋمەتتىك باعىتىن كۇشەيتۋگە, مەملەكەت پەن قوعام اراسىنداعى كەلىسىمنىڭ جوعارىلىعى تۋرالى ايتىلدى. جيىنعا قاتىسۋشىلار كونستيتۋتسيادا بەكىتىلەتىن نورمالار الەۋمەتتىك سالادا, ەڭبەك قاتىناستارىندا جانە ازاماتتاردىڭ ءومىر ساپاسىن ارتتىرۋ ناقتى ىسكە اسىرۋعا ءتيىس جۇمىستار ەكەنىن اتاپ ءوتتى.
رەفورمانىڭ ينستيتۋتسيونالدى قىرلارىنا دا ەرەكشە نازار اۋدارىلدى. قاتىسۋشىلار بيلىك تارماقتارى اراسىنداعى ءوزارا ءىس-قيمىلدىڭ تۇراقتى مودەلىن قالىپتاستىرۋدىڭ ماڭىزىنا توقتالىپ, وكىلەتتى ورگانداردىڭ ءرولىن كۇشەيتۋ جانە مەملەكەتتىك ينستيتۋتتاردا قابىلداناتىن شەشىمدەرگە دەگەن جاۋاپكەرشىلىكتەرى جوعارى بولۋى قاجەت ەكەنىن تالقىعا سالدى.
«اۋىل» فراكتسياسىنىڭ دەپۋتاتتارى اتا زاڭ جوباسىن ءبىراۋىزدان قولدادى
سونىمەن قاتار جاڭا كونستيتۋتسيا جوباسىن ازىرلەۋ فورماتىنىڭ ءوزى مازمۇندى قوعامدىق جۇيەنىڭ ساراپتامالىق ديالوگقا مۇمكىندىك بەرەتىنى ماڭىزدى ەكەنى ايتىلدى. جسدپ ساياسي كەڭەسىنىڭ پىكىرىنشە, مۇنداي ءتاسىل ءارتۇرلى كوزقاراستار مەن وڭىرلىك تاجىريبەگە سۇيەنگەن بايىپتى ءارى ۇزاق مەرزىمدى شەشىمدەر قابىلداۋعا جول اشادى.
وتىرىس قورىتىندىسى بويىنشا جسدپ ساياسي كەڭەسى كونستيتۋتسيالىق رەفورمانىڭ نەگىزگى باعىتتارى بويىنشا ورتاق ۇستانىم قالىپتاستىرىپ, بولاشاقتا تالقىلاۋعا ءتۇرلى ۇسىنىستاردى ساراپتامالىق تۇرعىدا پىسىقتاۋ ءۇشىن بەلسەندىلىك تانىتۋعا دايىن ەكەنىن ءبىلدىردى.
وتىرىس ىسكەرلىك جانە كونسترۋكتيۆتى جاعدايدا ءوتتى. بۇل جسدپ-نىڭ ساياسي الەۋەتىنىڭ تۇراقتى ءارى كەز كەلگەن ىسكە جاۋاپكەرشىلىكپەن قاتىسۋعا دايىن ەكەندىگىن كورسەتەدى. الەۋمەتتىك باعىتتاعى, قۇقىقتىق مەملەكەتتى دامىتۋعا نيەتتى جسدپ تاعى ءبىر مارتە ءوزىنىڭ ۇستانىمىن اشىق ءارى شىنايى كورسەتتى.
ادامي كاپيتال – مەملەكەتتىڭ باستى بايلىعى: AMANAT فراكتسياسى جاڭا كونستيتۋتسيا جوباسىن تالقىلادى