ەندى قىزىلشاعا قارسى ۆاكتسينا مىندەتتى: استانا اۋرۋحانالارىنا بالا قابىلداۋ ەرەجەسى وزگەردى

بۇل شەشىم قالادا قىزىلشا اۋرۋىنىڭ كۇرت وسۋىنە بايلانىستى قابىلداندى. سوڭعى ءۇش اپتادا 403 راستالعان جاعداي تىركەلىپ, كورسەتكىش 100 مىڭ تۇرعىنعا شاققاندا 25,5-كە جەتكەن. اۋرۋ كورسەتكىشى ءبىر اپتا ىشىندە 2,8 ەسە ارتقان. ناۋقاستاردىڭ 96%-ى – 14 جاسقا دەيىنگى بالالار.

اۋرۋ جۇقتىرعان بالالاردىڭ 95%-ى ۆاكتسينا الماعان. ولاردىڭ باسىم بولىگى اتا-اناسىنىڭ ەكپەدەن باس تارتۋىمەن بايلانىستى.

66 كادەت قىزىلشا جۇقتىردى: كوكشەتاۋداعى اسكەري كوللەدجدە كارانتين ەنگىزىلدى

قاۋلىعا سايكەس, 18 جاسقا دەيىنگى بالالار مەن جاسوسپىرىمدەردىڭ ۆاكتسيناتسيا مارتەبەسى قايتا تەكسەرىلىپ, اتا-اناسىنىڭ كەلىسىمىمەن ەكپە جۇرگىزىلەدى. سونداي-اق 55 جاسقا دەيىنگى مەديتسينا قىزمەتكەرلەرى دە تەكسەرۋدەن وتەدى. ال 6-10 ايلىق سابيلەرگە قوسىمشا ۆاكتسيناتسيا قاراستىرىلعان.

سونىمەن قاتار ءبىلىم بەرۋ ۇيىمدارىندا تاڭەرتەڭگى مەديتسينالىق سۇزگى جۇرگىزۋ, ناۋقاستاردى وقشاۋلاۋ, ەكپەسىز بالالاردى قابىلداۋدى ۋاقىتشا توقتاتۋ جانە جاپپاي ءىس-شارالارعا تىيىم سالۋ تاپسىرىلدى.

الماتىدا قىزىلشا اۋرۋىنا شالدىعۋ كورسەتكىشى ءوستى