مەملەكەت باسشىسىنىڭ تاپسىرماسىمەن 2024 جىلدىڭ 1 قاڭتارىنان باستاپ ەلىمىزدىڭ ەڭ ماڭىزدى الەۋمەتتىك جوبالارىنىڭ ءبىرى «ۇلتتىق قور – بالالارعا» باعدارلاماسى ىسكە اسىرىلىپ كەلەدى. باعدارلاما جاس قازاقستاندىقتاردىڭ ەرەسەك ءومىردى تابىستى باستاۋى ءۇشىن قاجەت باستاپقى جيناقتارىن قالىپتاستىرۋعا باعىتتالعان. جيناقتاردى تۇرعىن ءۇي جاعدايىن جاقسارتۋعا جانە ءبىلىم الۋ ءۇشىن پايدالانۋعا نەمەسە زەينەتاقى جيناقتارى رەتىندە بولاشاققا ساقتاپ قالۋعا بولادى, دەپ حابارلايدى Egemen.kz.
بىرىڭعاي جيناقتاۋشى زەينەتاقى قورىنىڭ مالىمەتىنشە, جىل سايىن كامەلەتكە تولماعان بالالارعا ولاردىڭ بجزق-داعى شوتتارىنا ۇلتتىق قوردان نىسانالى تالاپتار تۇرىندەگى قارجى, سونداي-اق ينۆەستيتسيالىق كىرىس ەسەپتەلەدى. بالالار كامەلەتكە تولعان كەزدە جيناقتالعان تالاپتار ولاردىڭ بجزق-داعى نىسانالى جيناقتاۋ شوتتارىنا نىسانالى جيناقتار تۇرىندە ەسەپتەلەدى.
2025 جىلدىڭ قورىتىندىسى بويىنشا باعدارلاماعا قاتىسۋشى 6 918 656 ءار بالاعا 130,71 دوللار مولشەرىندە كەزەكتى سوما ەسەپتەلدى.
ەستەرىڭىزگە سالا كەتەيىك, جىل سايىن ۇلتتىق قوردىڭ ينۆەستيتسيالىق كىرىسىنىڭ 50%-ى قازاقستان ازاماتى سانالاتىن بارلىق بالالار اراسىندا تەڭدەي بولىنەدى. بالالار تۋرالى دەرەكتەر الدىڭعى جىلدىڭ 31 جەلتوقسانىنداعى جاعداي بويىنشا «جەكە تۇلعالار» مەملەكەتتىك دەرەكقورىنان الىنادى.
سونىمەن قاتار باعدارلاماعا قاتىساتىن كامەلەتكە تولماعان بالالاردىڭ بۇعان دەيىن قالىپتاسقان تالاپ سومالارىنا جىل سايىن قوسىمشا ينۆەستيتسيالىق كىرىس ەسەپتەلەدى.
ناتيجەسىندە باعدارلاماعا قاتىساتىن بالالاردىڭ بارلىق نىسانالى جيناقتارىنىڭ جيىنتىق مولشەرى (جىل سايىن قوسىمشا ەسەپتەلەتىن ينۆەستيتسيالىق تابىستى قوسا العاندا) كەلەسى سومالاردى قۇرادى:
ءۇشىنشى جىل قاتىساتىن بالانىكى 370 دوللار 56 تسەنت;
ەكىنشى جىل قاتىساتىن بالانىكى 263 دوللار 93 تسەنت;
ءبىرىنشى جىل قاتىسقان بالانىكى 130 دوللار 71 تسەنت.ەستەرىڭىزگە سالا كەتەيىك, 18 جاسقا دەيىنگى بالالارعا جىل سايىن ۇلتتىق قوردان الىنعان سومالار ولاردىڭ بجزق-دا اشىلعان شوتتارىندا ەسكەرىلەتىن نىسانالى تالاپتار تۇرىندە ەسەپتەلەدى. بۇل رەتتە بالالارعا ەسەپتەلگەن سومالار ۇلتتىق قور اكتيۆتەرى قۇرامىندا قالىپ, ينۆەستيتسيالانادى. ينۆەستيتسيالاۋدى جالعاستىرۋدىڭ ارقاسىندا جىل سايىن ءار بالانىڭ نىسانالى تالاپتارىنىڭ سوماسى الىنعان ينۆەستيتسيالىق كىرىس ەسەبىنەن قوسىمشا ءوسىپ وتىرادى.
باعدارلاما باستالعاننان بەرى ۇلتتىق قوردان بارلىق بالاعا ەسەپتەلگەن قاراجات مولشەرى شامامەن 2,5 ملرد دوللاردى قۇرادى.
2026 جىلى 356 613 قازاقستان ازاماتى 18 جاسقا تولادى جانە ولار وزدەرىنىڭ نىسانالى جيناقتارىن پايدالانۋ قۇقىعىنا يە بولادى.
ەستەرىڭىزگە سالا كەتەيىك, بالالار كامەلەتكە تولاتىن جىلى ولاردىڭ نىسانالى تالاپتارى نىسانالى جيناقتارعا اينالىپ, جىل باسىندا اۆتوماتتى تۇردە بجزق-داعى نىسانالى جيناقتاۋ شوتىنا دوللارمەن ەسەپتەلەدى.
18 جاسقا تولعان كۇننەن باستاپ ولار بۇل قاراجاتتى تۇرعىن ءۇي جاعدايىن جاقسارتۋعا نەمەسە ءبىلىم الۋعا ءوز بەتىنشە پايدالانا الادى نەمەسە زەينەتاقى جيناقتارى رەتىندە بولاشاققا ساقتاپ قالۋعا قۇقىلى.
بالالاردى ەسەپكە الۋدىڭ دۇرىستىعى مەن تولىقتىعىباعدارلاماعا قاتىساتىن بالالاردىڭ تولىق ءتىزىمىن قالىپتاستىرۋ كەزىندە بجزق «جەكە تۇلعالار» مەملەكەتتىك دەرەكقورىنان اقپاراتتىق جۇيەلەردى ينتەگراتسيالاۋ ارقىلى الىنعان مىناداي مالىمەتتەردى ەسكەرەدى:
تۋعاننان قر ازاماتى بولىپ ەسەپتەلەتىن بالالار;قر ازاماتتىعىن تۋعاننان كەيىن قابىلداعان بالالار, ازاماتتىقتى قابىلداعان كۇنى كورسەتىلگەن; قر ازاماتتىعىن جوعالتقان نەمەسە ودان شىققان بالالار; قايتىس بولعان بالالار تۋرالى, قايتىس بولعان كۇنى نە قايتىس بولدى دەپ جاريالاۋ تۋرالى سوت شەشىمى زاڭدى كۇشىنە ەنگەن كۇنى كورسەتىلگەن; «جەكە تۇلعالار» مەملەكەتتىك دەرەكقورىنداعى بالالار تۋرالى باسقا دا مالىمەتتەردىڭ وزەكتەندىرىلگەنى تۋرالى.2025 جىلدىڭ قورىتىندىسى بويىنشا باعدارلاماعا قاتىسۋشىلاردىڭ سانىن ايقىنداۋ كەزىندە سونىمەن قاتار بۇعان دەيىن تىزىمگە ەنگىزىلمەگەن, ونىڭ ىشىندە «جەكە تۇلعالار» مەملەكەتتىك دەرەكقورىنداعى تولىق ەمەس نەمەسە وزەكتىلىگىن جوعالتقان دەرەكتەر انىقتالعان جاعدايلاردى قوسا العانداعى بالالار دا ەسكەرىلدى. ولارعا وتكىزىپ العان كەزەڭدەگى قاراجات ينۆەستيتسيالىق كىرىس ەسەبىمەن بىرگە تولىق كولەمدە ەسەپتەلەدى.
اقپاراتقا قول جەتكىزۋ18 جاسقا تولماعان بالانىڭ باعدارلاماعا قاتىسۋى تۋرالى اقپاراتتى اتا-انالارى مەن زاڭدى وكىلدەرى بالانىڭ جسن بويىنشا kids.enpf.kz. سايتى, eGov mobile ءموبيلدى قوسىمشاسى ارقىلى تەكسەرە الادى.
كامەلەتكە تولعان قاتىسۋشىلار enpf.kz سايتىنداعى جەكە كابينەتىندە, بجزق ءموبيلدى قوسىمشاسىندا جانە ەلەكتروندىق ۇكىمەتتىڭ eGov mobile ءموبيلدى قوسىمشاسىندا ءوز بەتىنشە تەكسەرە الادى.
جيناقتارىن پايدالانۋ تۋرالى شەشىم قابىلداعاننان كەيىن, جاستار اقش دوللارىندا بانكتىك شوت اشۋ جانە تولەمگە ونلاين ءوتىنىش بەرۋ ءۇشىن ۋاكىلەتتى وپەراتورعا جۇگىنۋى كەرەك. ءوتىنىشتى ينتەرنەت-رەسۋرس نەمەسە ۋاكىلەتتى وپەراتورلاردىڭ ءبىرىنىڭ ءموبيلدى قوسىمشاسى ارقىلى بەرۋگە بولادى: «وتباسى بانكى» اق (تۇرعىن ءۇي جاعدايلارىن جاقسارتۋ جانە ءبىلىم بەرۋ اقىسىن تولەۋ ماقساتىندا), «قازاقستان حالىق بانكى» اق, «بانك تسەنتركرەديت» اق ء(بىلىم بەرۋ اقىسىن تولەۋ ماقساتىندا).
«ۇلتتىق قور – بالالارعا» باعدارلاماسى بولاشاق ۇرپاقتىڭ ومىرلىك ماقساتتارىنا جەتۋ ءۇشىن قارجىلىق قورىن قۇرۋعا ىقپال ەتەتىن ۇزاقمەرزىمدى ستراتەگيا.
نىسانالى تالاپتارعا قاتىسۋشىلار مەن نىسانالى جيناقتاردى الۋشىلار, سونداي-اق نىسانالى جيناقتاردى تۇرعىن ءۇي جاعدايلارىن جاقسارتۋ جانە (نەمەسە) ءبىلىم الۋ اقىسىن تولەۋ ماقساتىندا پايدالانۋ جونىندەگى ستاتيستيكامەن enpf.kz سايتىندا تانىسۋعا بولادى.