ەلىمىزدە ەنەرگەتيكالىق ينفراقۇرىلىمدى جاڭعىرتۋعا باعىتتالعان جۇمىستار الداعى جىلى دا جالعاسىن تابادى. مەملەكەت باسشىسىنىڭ تاپسىرماسىنا سايكەس 2026 جىلى 9 ەنەرگوبلوك, 55 قازاندىق جانە 51 تۋربينا جوندەۋدەن وتكىزىلەدى. بۇل شارالار وڭىرلەردى جىلۋ جانە ەلەكتر ەنەرگياسىمەن تۇراقتى قامتاماسىز ەتۋگە نەگىز قالاماق, دەپ جازادى Egemen.kz
ەنەرگەتيكا مينيسترلىگى ءمالىم ەتكەندەي, جوسپارلى ءارى كەشەندى جوندەۋ جۇمىستارى ەنەرگيا نىساندارىنىڭ تەحنيكالىق الەۋەتىن ارتتىرىپ, اپات قاۋپىن ازايتۋعا مۇمكىندىك بەرەدى. سونىڭ ناتيجەسىندە جىلۋ ەلەكتر ورتالىقتارىنىڭ توزۋ دەڭگەيى 61 پايىزدان 59 پايىزعا دەيىن تومەندەيدى. سونىمەن بىرگە ستانسالاردى جوعارى قاۋىپ ايماعىنان كەزەڭ-كەزەڭىمەن شىعارۋ كوزدەلگەن.
قازاقستاندا ءتورت «جاسىل» ەلەكتر ستانساسى سالىنادى
ايتا كەتەيىك, ەنەرگەتيكا سالاسىن جاڭعىرتۋعا ارنالعان ۇلتتىق جوبا ەكىنشى جىل قاتارىنان ىسكە اسىپ جاتىر. بەس جىلعا جوسپارلانعان بۇل باعدارلاما ينجەنەرلىك ينفراقۇرىلىمدى كەڭ اۋقىمدا جاڭارتۋدى ماقسات ەتەدى. جوبا اياسىندا ەل بويىنشا 1,6 مىڭ شاقىرىم جىلۋ جەلىسى جانە 78 مىڭ شاقىرىم ەلەكتر جەلىسى قايتا جاڭعىرتىلادى.
اتوم ەنەرگەتيكاسىن قاۋىپسىز دامىتۋدىڭ جولدارى قانداي؟
مينيسترلىك دەرەگىنە سۇيەنسەك, اتالعان جۇمىستار 2029 جىلعا قاراي جىلۋ جەلىلەرىنىڭ توزۋىن 52 پايىزدان 42 پايىزعا, ال ەلەكتر جەلىلەرىنىڭ ەسكىرۋىن 74 پايىزدان 45 پايىزعا دەيىن ازايتۋعا جول اشادى. بۇل كورسەتكىشتەر ەنەرگەتيكالىق جۇيەنىڭ سەنىمدىلىگىن ەداۋىر كۇشەيتپەك.
دەپۋتات: ستراتەگيالىق ماڭىزى بار ەنەرگەتيكالىق جوبالار ءىس جۇزىندە جۇزەگە اسپاعان
جالپى قولعا الىنعان جاڭعىرتۋ شارالارى ەكونوميكانىڭ جانە حالىقتىڭ ءوسىپ كەلە جاتقان سۇرانىسىن ۇزدىكسىز قامتاماسىز ەتە الاتىن ورنىقتى وتىن-ەنەرگەتيكا كەشەنىن قالىپتاستىرۋعا باعىتتالعان.