وتاندىق وندىرۋشىلەردى قولداۋ جانە ساۋدا-ونەركاسىپ ساياساتىن جۇزەگە اسىرۋ ماقساتىندا «قازاقستاندىق تاۋار وندىرۋشىلەرىنىڭ ءتىزىلىمى» (قتو) مەملەكەتتىك اقپاراتتىق جۇيەسى كەزەڭ-كەزەڭىمەن تولىقتىرىلىپ جاتىر, دەپ جازادى Egemen.kz.
قازىر قتو ءتىزىلىمى تسيفرلىق جۇيەسىنە 4 995-تەن استام كاسىپورىن تىركەلگەن. جالپى جۇيەگە تىركەلۋ بويىنشا 10 377 وتىنىش تۇسكەن.ونەركاسىپ جانە قۇرىلىس مينيسترلىگىنىڭ مالىمەتىنشە, 2026 جىلعى 28 قاڭتارداعى جاعداي بويىنشا:• قتو تىزىلىمىنە 2 332 وتىنىش بويىنشا 519 سۋبەكت ەنگىزىلگەن;• بۇل رەتتە 2 290 وتىنىش بويىنشا 396 سۋبەكتتىڭ وتىنىشى قابىلدانباعان.
وتاندىق تاۋار وندىرۋشىلەر سەرتيفيكات الۋ كەزىندە كەدەرگىگە تاپ بولىپ وتىر
سونىمەن قاتار, مينيسترلىك تاراپىنان «ەلەكتروندىق قارجى ورتالىعى» اق-عا تولىقتاي ءوز ءونىمىن وندىرەتىن 4 389 كاسىپورىن تۋرالى مالىمەتتەر جولداندى.ال يندۋستريالىق سەرتيفيكاتتار نەگىزىندە بۇعان دەيىن ءوز مارتەبەسىن راستاعان 1 924 كاسىپورىن اۆتوماتتى تۇردە قتو تىزىلىمىنە ەنگىزىلگەن.
دۇكەن سورەلەرىنىڭ 50 پايىزىن وتاندىق تاۋارلار قۇرايدى
«قتو ءتىزىلىمىن ەنگىزۋ ارقىلى دەرەكتەردى بىرىكتىرۋ, «جالعان وندىرۋشىلەردى» انىقتاۋ, اشىقتىقتى ارتتىرۋ جانە سىبايلاس جەمقورلىق تاۋەكەلدەرىن تومەندەتۋگە بولادى. قتو تىزىلىمىنە ەنگىزۋ مەحانيزمى ءوتىنىشتى اقپاراتتىق جۇيە ارقىلى بەرۋ, دەرەكتەردىڭ دۇرىستىعىن تەكسەرۋ, ءوندىرىستى باعالاۋ جانە قاتىسۋشىلاردىڭ وندىرىستىك قىزمەتىنىڭ ادالدىعىن باقىلاۋ سىندى 4 نەگىزگى بولىمنەن تۇرادى», دەلىنگەن مينيسترلىك حابارلاماسىندا.
وتاندىق تاۋار وندىرۋشىلەرگە تابيعي مونوپوليا سۋبەكتىلەرىن ساتىپ الۋدا باسىمدىق بەرىلەدى