قازاقستان دونالد ترامپ باستاماشى بولعان جاڭا حالىقارالىق قۇرىلىم – بەيبىتشىلىك كەڭەسىنىڭ نەگىزىن قالاۋشى مەملەكەتتەردىڭ ءبىرى رەتىندە رەسمي مارتەبە الدى, دەپ حابارلايدى Egemen.kz.
اتالعان ۇيىم بۇۇ قاۋىپسىزدىك كەڭەسىنە جاھاندىق بالاما رەتىندە ۇسىنىلىپ وتىر. قۇجاتتارعا رەسمي قول قويۋ 22 قاڭتار كۇنى داۆوستاعى دۇنيەجۇزىلىك ەكونوميكالىق فورۋم اياسىندا ءوتتى.
بۇل جوباعا شاقىرۋلار تاڭداۋلى مەملەكەتتەرگە عانا جولدانعان, ال استانا قۇرىلتايشىلار قاتارىنا قوسىلۋ تۋرالى ۇسىنىستى قابىلدادى. بۇعان دەيىن كوپ تالقىلاۋعا سەبەپ بولعان قارجىلىق ماسەلە دە ناقتىلاندى: 1 ميلليارد دوللار كولەمىندەگى جارنا ەرىكتى. ونى تولەمەۋ ۇيىمداعى مۇشەلىك مارتەبەگە اسەر ەتپەيدى, الايدا قارجى بولگەن ەلدەر بەلگىلى ءبىر پرەفەرەنتسيالارعا يە بولا الادى.
وسىلايشا, قازاقستان حالىقارالىق قاتىناستاردىڭ جاڭا ارحيتەكتۋراسىن قالىپتاستىرۋعا رەسمي تۇردە قاتىسىپ وتىر.
22 قاڭتاردا پرەزيدەنت بەيبىتشىلىك كەڭەسىنىڭ جارعىسىنا قول قويعان بولاتىن.
بەيبىتشىلىك كەڭەسى بۇۇ-عا بالاما قۇرىلىمعا اينالۋى مۇمكىن بە؟