FlyArystan اۋە كومپانياسىنىڭ ۇشاعى قۇستارمەن سوقتىعىسۋىنا بايلانىستى ورال قالاسىنىڭ اۋەجايىندا كىدىرۋگە ءماجبۇر بولعان. بۇل تۋرالى تاسىمالداۋشىنىڭ ءباسپاسوز قىزمەتى حابارلادى, دەپ جازادى Egemen.kz.
كومپانيانىڭ مالىمەتىنشە, 24 قاڭتاردا FS7167 رەيسىن (الماتى-ورال باعىتى) ورىنداۋ كەزىندە اۋە كەمەسى قۇستارمەن سوقتىعىسقان. ۇشاق ورال اۋەجايىنا قونعاننان كەيىن تەكسەرۋ جۇرگىزۋ جانە اۋە كەمەسىنىڭ جەكەلەگەن بولشەكتەرىن اۋىستىرۋ ءۇشىن استانادان ينجەنەرلىك-تەحنيكالىق ماماندار جىبەرىلگەن.
بارلىق تەكسەرۋ جۇمىستارى اياقتالعان سوڭ ۇشاق پايدالانۋعا جارامدى دەپ تانىلىپ, 25 قاڭتار كۇنى ساعات 01:17-دە ورال-الماتى باعىتى بويىنشا ۇشىپ شىققان. كەشىكتىرىلگەن رەيس جولاۋشىلارىنا ىستىق سۋسىندار مەن تاماق بەرىلىپ, سۇرانىس بويىنشا 33 جولاۋشى قوناقۇيگە ورنالاستىرىلعان.
جاڭا اۋە رەيسى ءتۋريزمدى تۇلەتەدى
FlyArystan وكىلدەرى قۇستارمەن سوقتىعىسۋ جاعدايلارى اۋە كومپانياسىنا تاۋەلسىز سىرتقى فاكتورلارعا جاتاتىنىن اتاپ ءوتتى. بارلىق ارەكەت اۆياتسيالىق قاۋىپسىزدىك پەن تەحنيكالىق پايدالانۋ تالاپتارىنا قاتاڭ سايكەس اتقارىلعان.
ەلىمىزدە الداعى ءۇش جىلدا بىرنەشە وڭىرارالىق اۋە رەيسى ىسكە قوسىلادى