كاسپي قۇبىر كونسورتسيۋمىنىڭ (كتك) تەڭىز تەرمينالىندا اتق-3 قاشىقتاعى ايلاق قۇرىلعىسىن جوندەۋ جۇمىستارى تولىق اياقتالىپ, مۇناي تيەۋ ۇدەرىسى قايتا جانداندى, دەپ حابارلايدى Egemen.kz.
كونسورتسيۋم تاراتقان مالىمەتكە سايكەس, جوسپارلى-الدىن الۋ جوندەۋ جۇمىستارى اياسىندا اتق-3 قۇرىلعىسىندا سۋاستى شلانگتارى مەن يكەمدى قۇبىرلاردىڭ ءبىر بولىگى اۋىستىرىلعان. 21 قاڭتار كۇنى ايلاقتىڭ جۇك جۇيەسىنە گيدروسىناق جۇرگىزىلىپ, ودان كەيىن سۇڭگۋىرلەر سۋاستى مۇناي قۇبىرىنىڭ سوڭعى مانيفولدىن اشقان. 25 قاڭتاردا مۇناي تيەۋ ءۇشىن العاشقى تانكەر ايلاققا قويىلدى.
كتك تەڭىز تەرمينالى مۇناي قابىلداۋدى توقتاتتى
كتك وكىلدەرى جوندەۋ مەرزىمى مەن جۇمىس كولەمى بۇعان دەيىن كونسورتسيۋمنىڭ اتق-2 قۇرىلعىسىنا جاسالعان ۇشقىشسىز قۇرىلعىلار ارقىلى نىسانالى شابۋىل سالدارىنان قايتا قارالعانىن اتاپ ءوتتى. اتالعان وقيعا قۇرىلعىنىڭ زاقىمدانۋىنا جانە ونىڭ جۇمىسىن ۋاقىتشا توقتاتۋعا سەبەپ بولعان.
وسى جاعدايدى ەسكەرە وتىرىپ, كومپانيا مۇناي جونەلتۋشىلەردىڭ جىلدىق جوسپارعا سايكەس وتىنىمدەرىن ورىنداۋ كەمىندە ەكى ايلاق قۇرىلعىسى ءبىر مەزگىلدە جۇمىس ىستەگەن جاعدايدا كەپىلدەندىرىلەتىنىن مالىمدەدى. قازىرگى تاڭدا تەڭىز تەرمينالىندا تيەۋ وپەراتسيالارى اتق-1 جانە اتق-3 ارقىلى شتاتتىق رەجيمدە جۇرگىزىلىپ جاتىر.
كتك تەرمينالىنا جاسالعان شابۋىلدى قولداعانداردىڭ ۇستىنەن ءىس قوزعالدى
جوندەۋ جۇمىستارى كۇردەلى گيدرومەتەورولوگيالىق احۋال جاعدايىندا وتكەن. سۋاستى اعىندارىنىڭ جىلدامدىعى ءجيى وزگەرىپ وتىرعاندىقتان, سۇڭگۋىرلەردىڭ قاۋىپسىز ءتۇسۋى بىرنەشە رەت ۋاقىتشا توقتاتىلعان. مۇنداي قۇبىلىستار قىسقى ماۋسىمعا ءتان ەكەنى ايتىلادى.
سوعان قاراماستان, بارلىق تەحنيكالىق وپەراتسيالار وندىرىستىك قاۋىپسىزدىك تالاپتارىن ساقتاي وتىرىپ اياقتالعان. كونسورتسيۋم تەڭىز تەرمينالى ينفراقۇرىلىمىنىڭ سەنىمدى جۇمىس ىستەۋى مۇناي ەكسپورتىنىڭ تۇراقتىلىعى ءۇشىن ستراتەگيالىق ماڭىزعا يە ەكەنىن اتاپ ءوتتى.
قازاقستان كتك احۋالىنا بايلانىستى مۇناي تاسىمالداۋ مارشرۋتىن وزگەرتەتىن بولدى