اقتوبە قالاسىنداعى №65 ورتا مەكتەپتىڭ 11-سىنىپ وقۋشىسى ايساۋلە جۇماباي قاڭتار ايىندا وتكەن ۇلتتىق بىرىڭعاي تەستىلەۋدىڭ سىناق كەزەڭىندە 138 ۇپاي جيناپ, ەڭ ۇزدىك ناتيجەگە قول جەتكىزدى, دەپ حابارلايدى Egemen.kz.
وبلىستىق ءبىلىم باسقارماسىنىڭ حابارلاۋىنشا, زەردەلى دە تاربيەلى وقۋشى باستاۋىش سىنىپتاردان باستاپ تياناقتىلىعىمەن, ۇقىپتىلىعىمەن كوزگە ءتۇسىپ, وسىعان دەيىن ءتۇرلى زياتكەرلىك بايقاۋلار مەن وليمپيادالارعا بەلسەندى قاتىسقان. ول كۇزدە اعىلشىن ءتىلى بويىنشا مەكتەپ وقۋشىلارى اراسىندا وتكەن رەسپۋبليكالىق وليمپيادانىڭ قالالىق جانە وبلىستىق كەزەڭدەرىندە جۇلدەلى ورىندار يەلەنىپ, ماتەماتيكا ءپانى بويىنشا وليمپيادادا دا ۇزدىك ناتيجەلەر كورسەتتى. بوس ۋاقىتىندا قازاق قالامگەرلەرىنىڭ كلاسسيكالىق تۋىندىلارىن وقۋدى ۇناتادى.
«ادەبي شىعارما قارىم-قاتىناس مادەنيەتىن ۇيرەتەدى, قورشاعان ورتانى, ادامداردى تۇسىنۋگە كومەكتەسەدى. كىتاپ ومىردەگى ارمان-ماقساتىڭا جەتۋدىڭ كىلتىن اشادى, بولاشاق ماماندىعىڭدى تاڭداۋعا جاردەمدەسەدى. وقىپ بولعان سوڭ شىعارماداعى كەيىپكەردىڭ ارەكەتىنە قاراپ, قانداي شەشىم قابىلداۋدىڭ دۇرىستىعى تۋرالى ويلاناسىڭ», دەيدى وزات وقۋشى.
بوس ۋاقىتىندا ۇبت-نىڭ نەگىزگى پاندەرىنە دايىندىق ساباقتارىنا قوسا, ءوز مەكتەبىنەگى «تاريح مەكتەبى» فاكۋلتاتيۆىنە قاتىسىپ, ءبىلىمىن پىسىقتاپ جۇرگەن ايساۋلەنىڭ العىرلىعىنا ۇستازدارى دا ريزا. بىلگەنىن سىنىپتاستارىنا ۇيرەتۋدەن جالىقپايدى.
«كىشكەنتايىنان ءتالىم-تاربيە بەرگەن وقۋشىڭ مەكتەپتىڭ بەرگەن ءبىلىمىن جارقىراتىپ كورسەتىپ جاتسا, بۇل ءپان مۇعالىمدەرى ءۇشىن ۇلكەن ابىروي», دەيدى قاتارداعى قازاق مەكتەبىنىڭ مۇعالىمدەرى.
اقتوبە وبلىسى