الاياقتاردىڭ ايلاسى وزگەردى: ەندى اقشانى «كۋرەر» بولىپ الىپ كەتەدى

سپيكەردىڭ ايتۋىنشا, قىلمىسكەرلەر ءوزىن بانك نەمەسە وزگە دە ۇيىمداردىڭ «كۋرەرى» رەتىندە تانىستىرىپ, جابىرلەنۋشىلەردىڭ ۇيىنە كەلىپ, اقشانى قولما-قول الىپ كەتەدى.

«بۇرىن دروپ-كارتالار ءجيى قولدانىلاتىن. قازىر ولاردىڭ سانى ايتارلىقتاي ازايدى, سەبەبى ءبىر جىلدان استام ۋاقىت بويى انتيفرود جۇيەسى جۇمىس ىستەپ تۇر. سوعان بايلانىستى قىلمىسكەرلەر اقشانى تىكەلەي قولما-قول الۋعا كوشتى. الماتىدا جاسى 20 مەن 35 ارالىعىنداعى ءتورت كۇدىكتى ۇستالدى. قازىر تەرگەۋ امالدارى ءجۇرىپ جاتىر, ولاردىڭ باسقا دا ۇقساس قىلمىستارعا قاتىسى بار-جوعى انىقتالىپ جاتىر», دەدى ەركەبۇلان قويشىباەۆ.

رەسمي دەرەككە سايكەس, 2025 جىلى الماتى قالاسىندا ينتەرنەت-الاياقتىقتىڭ 2 500-دەن استام فاكتىسى تىركەلگەن. كەلتىرىلگەن ماتەريالدىق شىعىن كولەمى شامامەن 2,5 ملرد تەڭگەگە جەتكەن. ونىڭ ىشىندە 700 ملن تەڭگەگە جۋىق قارجى جابىرلەنۋشىلەرگە قايتارىلعان.

استانادا بالا ەمىنە دەپ اقشا جيناعان الاياق ەرلى-زايىپتىعا ۇكىم شىقتى

قۇقىق قورعاۋ ورگاندارىنىڭ مالىمەتىنشە, الاياقتار كوبىنە بانك قىزمەتكەرى, قاۋىپسىزدىك قىزمەتىنىڭ وكىلى, مينيسترلىك نەمەسە ۇيالى بايلانىس كومپانياسىنىڭ اتىن جامىلىپ قوڭىراۋ شالىپ, حابارلاما جولدايدى. سونىمەن قاتار جالعان سايتتار مەن ينتەرنەت-دۇكەندەر ارقىلى الداۋ دەرەكتەرى دە ءجيى كەزدەسەدى. كەيبىر ازاماتتار جۇمىس ىزدەۋ نەمەسە ينۆەستيتسيا سالۋ كەزىندە قىلمىسكەرلەردىڭ ارباۋىنا ءتۇسىپ جاتادى.

پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟

بريفينگ بارىسىندا «كيبەرنادزور» اقپاراتتىق جۇيەسىنىڭ جۇمىسى دا اتالدى. اتالعان جۇيە 17 مىڭنان استام سايتتى, ونىڭ ىشىندە ەسىرتكىگە جانە دەسترۋكتيۆتى كونتەنتكە قاتىستى رەسۋرستاردى بۇعاتتاعان.

ماماندار تۇرعىنداردى كۇماندى قوڭىراۋلار مەن حابارلامالارعا سەنبەۋگە, جەكە جانە قارجىلىق دەرەكتەرىن بوگدە ادامدارعا بەرمەۋگە شاقىرادى.

WhatsApp-تا كيبەرالاياقتىقتىڭ جاڭا ءتۇرى پايدا بولدى