الماتىداعى ۇلتتىق اكادەميالىق كىتاپحانادا بيىل مەرەيتويلارى اتالىپ وتەتىن مەملەكەت جانە قوعام قايراتكەرلەرى, سونداي-اق ادەبيەت پەن ونەر سالاسىندا وشپەس ءىز قالدىرعان 16 كورنەكتى تۇلعانىڭ ءومىرى مەن شىعارماشىلىق جولىنا ارنالعان اۋقىمدى كورمە ءوز جۇمىسىن باستادى, دەپ جازادى Egemen.kz.
كورمەدە قازاق حالقىنىڭ رۋحانياتى مەن مادەنيەتىنە ولشەۋسىز ۇلەس قوسقان الىپ تۇلعالار – جىر الىبى جامبىل جاباەۆ, الاش قوزعالىسىنىڭ كوسەمى ءاليحان بوكەيحانوۆ, كورنەكتى كومپوزيتور ءارى عالىم احمەت جۇبانوۆ, ءسوز زەرگەرى سايىن مۇراتبەكوۆ جانە باسقا دا ءبىرتۋار ازاماتتاردىڭ مول مۇراسى كەڭىنەن تانىستىرىلعان.
اتالعان كورمە – ەل تاريحىندا ايرىقشا ورنى بار, ۇلتتىڭ رۋحاني بولمىسى مەن مادەني كەلبەتىن قالىپتاستىرۋعا ەڭبەك سىڭىرگەن ءبىرتۋار ازاماتتارعا دەگەن تاعزىمنىڭ جارقىن كورىنىسى. ەكسپوزيتسيا اياسىندا 350-دەن استام سيرەك كىتاپتار, عىلىمي ەڭبەكتەر, ومىرباياندىق باسىلىمدار مەن مەرزىمدى ءباسپاسوز ماتەريالدارى, سونداي-اق 200-گە جۋىق ەلەكتروندى دەرەككوزدەر كوپشىلىك نازارىنا ۇسىنىلعان. كىتاپحانا وقىرماندارى مەن قوناقتارى مەرەيتوي يەلەرىنىڭ ءومىر جولى, قوعامدىق قىزمەتى, شىعارماشىلىق ىزدەنىستەرى مەن ەل تاريحىنداعى ورنى تۋرالى جان-جاقتى ماعلۇمات الا الادى.
وقي وتىرىڭىز: الماتىدا 2025 جىلى جارىق كورگەن كىتاپتاردىڭ كورمەسى اشىلدى
مادەنيەت پەن ونەر قايراتكەرلەرىنە ارنالعان ارنايى ءبولىم كورمەنىڭ مازمۇنىن ودان ءارى بايىتا تۇسكەن. مۇندا تەاتر, كينو جانە مۋزىكا سالاسىنداعى تاريحي كەزەڭدەر, شىعارماشىلىق ىزدەنىستەر مەن ۇلتتىق ونەردىڭ قالىپتاسۋ جولدارى كورنەكى ماتەريالدار ارقىلى بەينەلەنگەن. بۇل ءبولىم كورەرمەنگە وتكەن مەن بۇگىندى ساباقتاستىرا وتىرىپ, قازاق ونەرىنىڭ دامۋ ەۆوليۋتسياسىن تەرەڭ سەزىنۋگە جول اشادى.
وقي وتىرىڭىز: ارحەولوگيالىق كورمە اشىلدى
كورمە تەك تانىمدىق سيپاتپەن شەكتەلمەي, وسكەلەڭ ۇرپاقتى وتانسۇيگىشتىككە, ۇلتتىق قۇندىلىقتاردى قۇرمەتتەۋگە تاربيەلەۋدى ماقسات ەتەدى. جىل بويى جالعاساتىن ايتۋلى رۋحاني ءىس-شارا ۇلتتىق كىتاپحاناعا كەلۋشى وقىرماندار ءۇشىن تاريح پەن مادەنيەتكە بويلايتىن تاعىلىمدى الاڭعا اينالماق.